উৎসৱৰ বতৰত বজাৰত বিভিন্ন ধৰণৰ মিঠাই উপলব্ধ হয় । যিসকল লোকৰ মিঠাইৰ প্ৰতি বিশেষ মোহ থাকে, তেওঁলোকে উৎসৱৰ বতৰত মিঠাই খাবলৈ খুবেই ভাল পায় । একে সময়তে সম্পৰ্কত মিলা-প্ৰীতি বজাই ৰখাত মিঠাইৰ বিশেষ গুৰুত্ব আছে । ইফালে সমাগত ৰক্ষাবন্ধন উৎসৱ । এনে সময়ত ভগ্নীসকলে নিজৰ ভাতৃসকলৰ বাবে ৰাখী বন্ধন উপলক্ষে ঘৰতে এবিধ বিশেষ মিঠাই প্ৰস্তুত কৰিব পাৰে, যাৰ বিষয়ে আজি আমি উল্লেখ কৰিবলৈ ওলাইছো । এইটো পশ্চিম বংগৰ এবিধ বিশেষ মিঠাই । যাৰ নাম শুনিলেই মুখৰ পানী পৰে, আৰু সেয়া হৈছে পশ্চিম বংগৰ এবিধ জনপ্ৰিয় মিঠাই চমচম । ইয়াক তৈয়াৰ কৰাৰ পদ্ধতিৰ বিষয়ে জানো আহক...
চমচম মিঠাইৰ বাবে প্ৰয়োজনীয় উপাদান-
১ টা ডাঙৰ কাপৰ 1 কাপ চানা
১/২ চামুচ আটা
চিৰাপৰ বাবে ৪ কাপ পানী
১ৰ পৰা ১/২ কাপ চেনি
চমচম ষ্টাফিঙৰ বাবে
১/২ কাপ খোয়া
১ চামুচ গুড়ি চেনি
১/৪ কাপ গাখীৰ
১/৮ চামুচ ইলাচিৰ গুড়ি
১/৮ ডাল কেশৰ আঁহ
২ চামুচ গাখীৰৰ গুড়ি
২ চামুচ আলমণ্ড আৰু পিষ্টাচিয়া, মিহিকৈ কাটি লোৱা, গাৰ্নিচিঙৰ বাবে
চমচম মিঠাই তৈয়াৰৰ পদ্ধতি-
১) প্ৰথমে চানা আৰু ময়দা এটা পাত্ৰত লৈ ভালদৰে মিহলাই লওক, তাৰ পিছত অলপ পানী দি ভালদৰে মঠি লওক ।
২) তাৰ পিছত এই আটাৰ সৰু সৰুকৈ টুকুৰা কাটি হাতৰ সহায়ত অণ্ডাকাৰ আকৃতিত বনাব ।
৩) এতিয়া কেৰাহীত ৪ কাপ পানী আৰু চেনি একেলগে দি কম জুইত ১০ মিনিটমান উতলিবলৈ দিব । লাহে লাহে ইয়াৰ চেনিৰ চিৰাপ সাজু হ’ব ।
৪) এতিয়া অণ্ডাকাৰ আকৃতিৰ চামচামখিনি লাহে লাহে চিৰাপত দি কম জুইত ১২ৰ পৰা ১৫ মিনিট মান সিজিবলৈ দিব ।
৫) ইয়াৰ পিছত প্লেটত সিজোৱা চমচমখিনি উলিয়াই ঠাণ্ডা হ’বলৈ দিব ।
৬) ইয়াৰ পিছত মঠি লোৱা খোয়া, চেনি, গাখীৰৰ গুড়ি, ইলাচি গুড়ি আৰু কেশৰ গাখীৰ একেলগে কেৰাহীত মিহলাই ভালদৰে মিহলাই লওক ।
৭) এতিয়া ঠাণ্ডা হোৱা চমচমৰ মাজত কটাৰীৰে এটা কাটি ভাগ কৰি লওক, তাৰ পিছত এটা এটাকৈ আটাইকেইটা চমচমত খোয়াখিনি অলপ অলপ কৰি ভৰাই লওক ।
৮) ইয়াৰ পিছত প্ৰস্তুত কৰা সকলো চমচম মিহিকৈ কটা আলমণ্ড আৰু পিষ্টাচিয়াৰে সজাই লওক, তাৰ পিছত ঠাণ্ডা হ’বলৈ দিয়ক । ইচ্ছা কৰিলে ফ্ৰীজতো ৰাখিব পাৰে ।
৯) এতিয়া প্ৰস্তুত কৰা ঠাণ্ডা চমচম খিনি প্লেটত উলিয়াই ঠাণ্ডাকৈ পৰিবেশন কৰক ।
এইবিধ মিঠাই খাবলৈ অতি সোৱাদযুক্ত ।
লগতে পঢ়ক: Sawan 2023 Monday Fast Recipe: শাওন মাহত ব্ৰতৰ সময়ত খাবৰ বাবে এনেদৰে ঘৰতে তৈয়াৰ কৰক কেঁচা কলৰ চিপছ
