বদহজম এটা অতি সাধাৰণ সমস্যা যিটো বহুতে ভুগিবলগীয়া হয়, যাৰ ফলত পেটত অস্বস্তি বা বিষ হয় ৷ ইয়াৰ ফলত প্ৰায়ে পেট ফুলা, ওকট-পাকট লগা, কোষ্ঠকাঠিন্য, বমি আৰু গেছৰ সৃষ্টি হয় ৷ কিন্তু আপুনি কেতিয়াবা ভাবিছেনে এই সকলোবোৰ সমস্যাৰ মূল কাৰণ কি ? যদি আমি ইয়াৰ মূল কাৰণৰ বিষয়ে চাবলৈ যাওঁ তেন্তে হয়তো আমি সেই ভুলবোৰ নকৰো যিয়ে পেটৰ সমস্যা বৃদ্ধি কৰিব ৷ সেয়ে আজি আমি এই বিষয়ৰ ওপৰত বিতংভাৱে জানি লও আহক...
বদহজমৰ প্ৰধান কাৰণ
১/ মছলাযুক্ত খাদ্য (Spicy Foods)
বেছিকৈ জলকীয়া আৰু মছলা খালে পেটত বিষ হয়, যাৰ ফলত কিছুমান মানুহৰ বদহজম হ’ব পাৰে ৷
২/ অম্লযুক্ত খাদ্য (Acidic foods)
কিছুমান মানুহে অত্যধিক এচিডিক খাদ্য বা পানীয় সেৱন কৰে, যাৰ ফলত পেটত এচিডৰ উৎপাদন বৃদ্ধি পায়, যাৰ ফলত বদহজম হয় ৷
৩/ অতিমাত্ৰা খাদ্য খোৱা (Overeating)
ভোকতকৈ বেছি খাদ্য খোৱা আৰু সোনকালে খাদ্য শেষ কৰিলে পেটৰ সমস্যা হ’ব পাৰে কাৰণ ই পাচনতন্ত্ৰত প্ৰভাৱ পেলায় ৷
৪/ কেফেইন (Caffeine)
ভাৰতত চাহ-কফি খোৱা লোকৰ অভাৱ নাই ৷ যিহেতু এই পানীয়বোৰত অত্যধিক কেফেইন থাকে, গতিকে আপুনি কোষ্ঠকাঠিন্যত ভুগিব পাৰে ৷
৫/ মদ্যপান (Alcohol)
যদিও সুৰা শৰীৰৰ বহু অংশৰ বাবে ক্ষতিকাৰক, তথাপিও ই পেটৰ বাবেও কম অসুবিধাৰ কাৰণ নহয় ৷ ইয়াৰ ফলত ডিঙিত এচিড পুনৰ ঘূৰি আহে, যাৰ ফলত বদহজম আৰু অত্যন্ত জ্বলন হ’ব পাৰে ৷
৬/ ধূমপান কৰা (Smoking)
চিগাৰেট, বিড়ি, হুক্কা বা গাঞ্জা আদি খালে পেটৰ সমস্যা হ’ব পাৰে ৷ এই অভ্যাস যিমান পাৰি সোনকালে ত্যাগ কৰক ৷
৭/ ঔষধৰ সেৱন (Medications)
কিছুমান ঔষধ সেৱন কৰিলে পেটৰ সমস্যা বৃদ্ধি পাব পাৰে ৷ ইয়াৰ ভিতৰত ননষ্টেৰয়ডাল এন্টি-ইনফ্লেমেটৰী ঔষধো অন্তৰ্ভুক্ত ৷
৮/ পেপটিক আলচাৰ (Peptic ulcers)
পেপটিক আলচাৰ বা পেটত আলচাৰ হ’লে বিশেষকৈ খাদ্য খোৱাৰ পিছত বদহজম হ’ব পাৰে ৷
৯/ পিত্তথলীত পিত্তৰ পাথৰ (Gallstones)
পিত্তথলীত পাথৰ থকাৰ বাবে পিত্তনলী বন্ধ হৈ যায়, যাৰ ফলত বদহজম আৰু বিষ হয় ৷
১০/ মানসিক চাপ আৰু উদ্বেগ (Stress and anxiety)
বহু সময়ত মানসিক অৱস্থা ঠিক নহ’লে পেটত প্ৰভাৱ পেলায় ৷ মানসিক চাপ আৰু উদ্বেগৰ বাবে বদহজম হ’ব পাৰে, গতিকে সদায় সুখী হৈ থাকিবলৈ চেষ্টা কৰক ৷
লগতে পঢ়ক: Post workout Meals: জিমত কৰা কঠোৰ ৱৰ্কআউটৰ পিছত শৰীৰক শক্তি প্ৰদান কৰিবলৈ খাওক এই খাদ্য
