কেতিয়াবা আপুনি হঠাতে হাঁচিবলৈ আৰম্ভ কৰে আৰু তাৰ পাচত চকুৰে পানী বৈ আহে, আপোনাৰ লগতো হয়নে এনেকুৱা ? যদি হয়, তেন্তে আপোনাৰো আছে ঋতুভিত্তিক এলাৰ্জীৰ সমস্যা । ঋতুভিত্তিক এলাৰ্জী হৈছে এক বিশেষ ধৰণৰ এলাৰ্জী, যিটো কেৱল এটা বিশেষ ঋতুতহে হয় । কিন্তু কিয় এনেকুৱা হয় জানেনে ? দৰাচলতে আপোনাৰ ৰোগ প্ৰতিৰোধ ক্ষমতাই কোনো বিশেষ পদাৰ্থৰ বিৰুদ্ধে প্ৰতিক্ৰিয়া কৰাৰ বাবেই এনে হ’ব পাৰে । সাধাৰণতে পলিনৰ বাবে এনেকুৱা হয়, কিন্তু ইয়াৰ আন কাৰণো থাকিব পাৰে । শৰীৰত এলাৰ্জেনৰ প্ৰৱেশৰ বাবে আমাৰ ৰোগ প্ৰতিৰোধ ক্ষমতাই এন্টিবডি উৎপন্ন কৰে, যাৰ বাবে আমাৰ এলাৰ্জী হয় ।
ঋতুভিত্তিক এলাৰ্জীৰ লক্ষণ
ঋতুভিত্তিক এলাৰ্জীৰ কিছুমান লক্ষণৰ সহায়ত আপুনি ইয়াক চিনাক্ত কৰিব পাৰে । সেই লক্ষণসমূহ হ’ল- চকুৰে পানী ওলোৱা, নাকেৰে পানী ওলোৱা, নাক বন্ধ হৈ যোৱা, হাঁচি অহা, চকুত খজুৱতি হোৱা, শৰীৰত খজুৱতি, মুখৰ চাৰিওফালে ফুলি যোৱা আদি । যদি এই লক্ষণসমূহ দেখা দিয়ে, তেন্তে লগে লগে চিকিৎসকৰ পৰামৰ্শ লওক । তেওঁলোকে আপোনাক এন্টি এলাৰ্জি ঔষধ দি আপোনাৰ এলাৰ্জী নিৰাময় কৰাত সহায় কৰিব পাৰে । যদিও এলাৰ্জী যথেষ্ট সাধাৰণ, কিছুমান খাদ্য সামগ্ৰীয়ে আপোনাৰ ঋতু অনুসৰি হোৱা এলাৰ্জীৰ পৰা সকাহ পোৱাত সহায় কৰিব পাৰে । জানো আহক, কোনবোৰ খাদ্য সামগ্ৰীৰ সহায়ত আপুনি এলাৰ্জীৰ পৰা সকাহ পাব পাৰে ।
আদা
আদাত প্ৰদাহ নিবাৰণকাৰী গুণ পোৱা যায়, যিয়ে এলাৰ্জীৰ ফলত হোৱা লক্ষণসমূহৰ পৰা উপশম পোৱাত সহায় কৰে । গতিকে আদা খোৱাৰ সহায়ত এলাৰ্জীৰ পৰা সকাহ পাব পাৰি । আদা খোৱাৰ উপৰিও আদাৰ চাহ বনাই পান কৰিব পাৰে ।
টেঙা ফল
কমলা, নেমু, কিৱি আদি ফলমূলত ভিটামিন চি প্ৰচুৰ পৰিমাণে পোৱা যায় । ভিটামিন চিয়ে ৰোগ প্ৰতিৰোধ ক্ষমতা শক্তিশালী কৰাত সহায় কৰে, যিয়ে আপোনাক এলাৰ্জীৰ পৰা সকাহ পোৱাতো সহায় কৰিব পাৰে ।
মৌ
মৌ আপোনাৰ স্বাস্থ্যৰ বাবে অতি উপকাৰী । এলাৰ্জীৰ পৰাও ৰক্ষা কৰাত সহায় কৰিব পাৰে । বিশেষকৈ পলিনৰ ফলত হোৱা এলাৰ্জী হ্ৰাস কৰাত ই সহায়ক হ’ব পাৰে । গতিকে খাদ্যৰ তালিকাত মৌ অন্তৰ্ভুক্ত কৰিব পাৰে ।
নহৰু
নহৰুত প্ৰদাহ নিবাৰণকাৰী গুণ পোৱা যায়, যিয়ে এলাৰ্জীৰ পৰা সকাহ দিয়াত সহায় কৰে । ইয়াৰ লগতে নহৰুত কিছুমান উপাদান পোৱা যায়, যিবোৰে আমাৰ শৰীৰত এলাৰ্জীৰ বাবে দায়ী ৰাসায়নিক হিষ্টামিন বৃদ্ধি কৰিবলৈ নিদিয়ে।
সতৰ্কীকৰণ: প্ৰিয় পাঠক, আমাৰ প্ৰতিবেদন পঢ়াৰ বাবে ধন্যবাদ । এই খবৰটো কেৱল আপোনালোকক সজাগ কৰাৰ উদ্দেশ্যে লিখা হৈছে । আমি এই প্ৰতিবেদনত ঘৰুৱা উপায় আৰু সাধাৰণ তথ্যৰ সহায় লৈছো । কিন্তু প্ৰিয় পাঠক, যদি আপুনি যিকোনো বাতৰিতে স্বাস্থ্যৰ সৈতে জড়িত কিবা পঢ়ে, তেন্তে এই পদ্ধতি গ্ৰহণ কৰাৰ আগতে নিশ্চিতভাৱে চিকিৎসকৰ পৰামৰ্শ ল’বলৈ নাপাহৰিব ।
লগতে পঢ়ক: সিজোৱা কণী নে অমলেট কোনবিধ স্বাস্থ্যৰ বাবে অধিক উপকাৰী ?
