ডিঙিৰ বিষ এটা সাধাৰণ স্বাস্থ্যজনিত সমস্যা যিয়ে যিকোনো ব্যক্তিৰ বাবে অসুবিধাৰ সৃষ্টি কৰিব পাৰে ৷ এই বিষ বেছিভাগেই বেছি সময় ধৰি বহি থাকিলে, ডিঙি ফুলিলে, ওখ আৰু টান গাৰু ব্যৱহাৰ কৰিলে বা ডিঙিৰ পিছফালে থকা পেশীবোৰত টান হ’লেই হ’ব পাৰে ৷ সঠিক সময়ত এই সমস্যাৰ চিকিৎসা নকৰিলে এই অৱস্থা গুৰুতৰ হৈ উঠিব পাৰে ৷ কিন্তু, আপুনি জানি সুখী হ’ব যে ঘৰুৱা উপায়েৰেও এই সমস্যা সমাধান কৰিব পাৰি ৷ ইয়াত আমি কিছুমান ফলপ্ৰসূ ঘৰুৱা উপায়ৰ বিষয়ে আলোচনা কৰিম যিয়ে ডিঙিৰ বিষ কম কৰাত সহায় কৰিব পাৰে ৷
ডিঙিৰ বিষৰ পৰা উপশম পোৱাৰ উপায়
১/ গৰম পানীৰ বেগ
গৰম পানীৰ মোনাটো ডিঙিত ৰাখি ডিঙিৰ পেশীবোৰক লাহে লাহে আদৰ কৰক ৷ এনে কৰিলে ডিঙিৰ বিষৰ পৰা সকাহ পাব পাৰি ৷ এইটো এটা অতি পুৰণি কিন্তু অতি ফলপ্ৰসূ পদ্ধতি ৷
২/ আদা
আদাত এন্টি-ইনফ্লেমেটৰী গুণ আছে, যিয়ে ডিঙিৰ বিষ কমোৱাত সহায় কৰিব পাৰে ৷ এটুকুৰা কটা আদা বিষ হোৱা ঠাইত টিপি ধৰি থৈ টেপৰ সহায়ত আঠা লগাই দিব ৷
৩/ ডিঙিৰ ব্যায়াম
ডিঙিৰ কিছুমান সহজ ব্যায়ামৰ জৰিয়তে ডিঙিৰ বিষ ভাল কৰিব পাৰি ৷ নিয়মিতভাৱে কিছুমান ব্যায়াম কৰক যিয়ে ডিঙিৰ পেশীবোৰ টানি আনে যাৰ ফলত ডিঙিৰ বিষৰ সমস্যাত আপুনি ভুগিবলগীয়া নহয় ৷
৪/ স্বাস্থ্যসন্মত খাদ্য গ্ৰহণ কৰক
স্বাস্থ্যসন্মত খাদ্য খোৱাটোৱে ডিঙিৰ বিষ কমোৱাত সহায় কৰিব পাৰে ৷ যিমান পাৰি পানী খোৱা আৰু সতেজ ফলমূল আৰু শাক-পাচলি অন্তৰ্ভুক্ত কৰাটো অতি প্ৰয়োজনীয় ৷
৫/ ওখ গাৰু ব্যৱহাৰ নকৰিব
আমাৰ মাজত বহুতে টোপনিৰ বাবে ওখ গাৰু ব্যৱহাৰ কৰে, দীৰ্ঘম্যাদীভাৱে ইয়াৰ ফলত ডিঙিৰ বিষ হয়, এনে পৰিস্থিতিত কেইদিনমান গাৰু নোহোৱাকৈ শোৱাৰ চেষ্টা কৰক, যিয়ে আপোনাক যথেষ্ট সকাহ দিব পাৰে ৷
লগতে পঢ়ক: Foods To Avoid In Kids Tiffin: ভুলতেও আপোনাৰ শিশুটিক টিফিনত খাবলৈ নিদিব এইসমূহ খাদ্য
