আজি সমগ্ৰ দেশতে জন্মাষ্টমী উৎসৱ পালন কৰা হৈছে ৷ এই উৎসৱক ভগৱান শ্ৰীকৃষ্ণৰ জন্মোৎসৱ হিচাপে পালন কৰা হয় ৷ জন্মাষ্টমীৰ উৎসৱ আৰু এনে ক্ষণত যদি মাখনৰ নাম নাহে, সেয়া কেনেকৈ হ’ব পাৰে ৷ কৃষ্ণৰ মাখনৰ প্ৰতি থকা প্ৰেম কাৰো পৰা লুকাই থকা নাই, গতিকে জন্মাষ্টমী হওক বা ভগৱান শ্ৰীকৃষ্ণৰ যিকোনো পূজা হওক, তেওঁক নিশ্চয়কৈ মাখন আৰু চেনিৰ মিঠাই আগবঢ়োৱা হয় ৷
বিশুদ্ধ ঘিউ স্বাস্থ্যৰ বাবেও অতি উপকাৰী ৷ ই পুষ্টিকৰ উপাদানৰ এক ভঁৰাল ৷ যদি আপুনিও মাখন সেৱন কৰে, তেন্তে আপুনি বহু ৰোগৰ পৰা ৰক্ষা পাব পাৰে ৷ গতিকে আজি জন্মাষ্টমী উপলক্ষে মাখন খোৱাৰ উপকাৰিতা সম্পৰ্কে জানো আহক ৷
ৰোগ প্ৰতিৰোধ ক্ষমতা বৃদ্ধি কৰে
মাখন হৈছে পুষ্টিকৰ উপাদানৰ এক ভঁৰাল ৷ ইয়াত কেলচিয়াম, ভিটামিন-ডি, ভিটামিন এ আদি গুৰুত্বপূৰ্ণ পুষ্টিকৰ উপাদান পোৱা যায় ৷ যাৰ ফলত ৰোগ প্ৰতিৰোধ ক্ষমতা উন্নত হয় ৷ ইয়াৰ দ্বাৰা সংক্ৰমণ আৰু বহুতো ৰোগৰ পৰা হাত সাৰিব পাৰি ৷
গাঁঠিৰ বিষৰ পৰা সকাহ দিয়াত ফলপ্ৰসূ
মাখনত কেলচিয়াম পোৱা যায় ৷ যিসকলৰ গাঁঠিৰ বিষৰ সমস্যা আছে তেওঁলোকৰ বাবে মাখন অতি উপকাৰী ৷ এয়া বিষ কমোৱাৰ এক স্বাভাৱিক উপায় বুলি প্ৰমাণিত হ’ব পাৰে ৷
ছালৰ বাবে উপকাৰী
ভিটামিন-ই মাখনত পোৱা যায়, যিটো ছালৰ বাবে উপকাৰী ৷ এন্টিঅক্সিডেন্ট গুণযুক্ত মাখনে ছালখনক উজ্জ্বল কৰি ৰখাত সহায় কৰে ৷ এইটো খালে আপুনি ছালৰ লগত জড়িত সমস্যাৰ পৰা হাত সাৰিব পাৰে ৷
মগজুৰ স্বাস্থ্যৰ উন্নতি সাধন কৰে
ফেটি এচিড মাখনত পোৱা যায়, যিয়ে মগজুৰ বিকাশত গুৰুত্বপূৰ্ণ ভূমিকা পালন কৰে ৷ শিশুৰ মগজু চোকা কৰিবলৈ নিশ্চিতভাৱে তেওঁলোকৰ খাদ্যত মাখন অন্তৰ্ভুক্ত কৰক ৷
ঘৰতে এনেকৈ মাখন বনাওক
ঘৰতে মাখন বনাব বিচাৰিলে প্ৰথমে ২-৩ লিটাৰ গাখীৰ কম জুইত বহু সময় উতলাই লওক ৷ এতিয়া এটা বাটিত গাখীৰৰ সৰখিনি উলিয়াই লওক ৷ ইয়াৰ পিছত হেটাৰ সহায়ত কিছু সময়ৰ বাবে ঘূৰাই দিব ৷ এনেদৰে অবিৰতভাৱে কৰিলে মাখন পৃথক হোৱা দেখা যাব ৷ সুকীয়া বাচনত মাখনখিনি উলিয়াই লওক ৷
লগতে পঢ়ক: Healthy Diet: আজিয়েই সলনি কৰক আপোনাৰ খাদ্য তালিকা, বৃদ্ধ বয়সলৈকে হৈ থাকিব ৰোগমুক্ত
