বহু সময়ত আমি হয় প্ৰয়োজনতকৈ অধিক খাদ্য খাও নতুবা অত্যধিক তেলীয়া খাদ্য খাও, যাৰ বাবে আমি পেটৰ বিষ, কোষ্ঠকাঠিন্য, এচিডিটি আৰু গেছৰ সমস্যাত ভুগিবলগীয়া হয় ৷ পেটৰ সমস্যাৰ পৰা পৰিত্ৰাণ পাবলৈ আমি বহুবাৰ ফাৰ্মাচীত উপলব্ধ ঔষধৰ সহায় লও, কিন্তু ইচ্ছা কৰিলে পাকঘৰত ৰখা এবিধ মছলাৰ দ্বাৰাও আমি আমাৰ পেটৰ সকলো সমস্যা দূৰ কৰিব পাৰো ৷
হিঙৰ জৰিয়তে পেটৰ বিষ কেনেকৈ উপশম কৰিব পাৰি ?
আমি ক’বলৈ লৈছো হিঙৰ কথা, ই এনে এবিধ মছলা যিয়ে খাদ্যৰ সোৱাদ বৃদ্ধি কৰে, ই কেৱল পেটৰ বাবেই নহয় হৃদযন্ত্ৰ আৰু দাঁতৰ সৈতে জড়িত সমস্যাৰ বাবেও এক অতি গুণকাৰী ঘৰুৱা ঔষধ ৷ ই কফ, অন্ত্ৰ আৰু পিত্তৰ কাৰ্য উন্নত কৰে, যিয়ে পিত্ত দোষৰ ভাৰসাম্য ৰক্ষা কৰে আৰু সঠিক হজম শক্তি বজাই ৰখাত সহায় কৰে ৷
১/ হিং আৰু গৰম পানী
হিং পেষ্ট পেটৰ বাবে উপকাৰী বুলি গণ্য কৰা হয় ৷ ইয়াৰ বাবে এই মছলাবিধ গৰম পানীৰ লগত মিহলাই পেষ্ট প্ৰস্তুত কৰি নাভিৰ চাৰিওফালে লাহে লাহে মালিচ কৰক ৷ দেখিব আপুনি পেটৰ প্ৰতিটো সমস্যাৰ পৰা আপুনি সকাহ পাব ৷
লগতে পঢ়ক: Side effects Of Rice: যদি আপুনি দৈনিক ভাত খায় তেন্তে জানি লওক এই সন্দৰ্ভত কি কয় বিশেষজ্ঞই
২/ হিং আৰু দেশী ঘিউ
হিং আৰু দেশী ঘিউৰ সংমিশ্ৰণ পেটৰ বাবে উপকাৰী, ই গেছ আৰু ক্ৰেম্প বা বিষ কম কৰে ৷ ইয়াৰ বাবে হিং এচিকুট লৈ দেশী ঘিউৰে গৰম কৰি নাভিৰ চাৰিওফালে লাহে লাহে লগাব লাগে ৷ কিছু সময়ৰ পাছত নিজে নিজে সকাহ লাভ কৰিব ৷
৩/ হিং সৰিয়হৰ তেল
সৰিয়হ তেল আৰু হিং মিহলাই পেটত লগালে পেটৰ বিষ, গেছ, কোষ্ঠকাঠিন্য আৰু পেট ফুলাৰ দৰে সমস্যাৰ পৰা সকাহ পোৱা যায় ৷ এই দুয়োবিধ সামগ্ৰীৰ মিশ্ৰণ বৃত্তাকাৰ গতিৰে ঘূৰাই পেটত লগাব লাগে ৷ যদি টেঙা পানীৰ গেছ অহা যেন অনুভৱ হয় তেন্তে বুকুৰ পৰা পেটৰ ফাললৈ মালিচ কৰিব ৷
