শৰীৰটো ফিট কৰি ৰাখিবলৈ আমি ভাল খাদ্য গ্ৰহণ কৰাৰ লগতে এটা ভাল জীৱনশৈলীও অনুসৰণ কৰাটো খুবেই দৰকাৰী ৷ ফল-মূল আৰু শাক-পাচলি খাই নিজকে সুস্থ কৰি ৰাখিব পৰা যায় ৷ ফল-মূল আৰু শাক-পাচলিৰ উপৰিও কিছুমান বীজ আছে যিসমূহ আমাৰ শৰীৰৰ বাবে যথেষ্ট উপকাৰী ৷ চিয়া বীজো ইয়াৰে ভিতৰত অন্যতম ৷ ইয়াত কাৰ্বহাইড্ৰেট, প্ৰ’টিন, চৰ্বি, আঁহ, শক্তি, আইৰণ, কেলচিয়াম, মেগনেছিয়াম, ছডিয়াম, পটাছিয়াম, মেংগানিজ, চেলেনিয়াম, ভিটামিন এ, বি১, বি২, বি৩, বি৯, চি, ই আদি বহুতো পুষ্টিকৰ উপাদান পোৱা যায় ৷
- চিয়া বীজ মিহলোৱা পানী
চিয়া বীজ মিহলোৱা পানীয়ে বহুতো স্বাস্থ্য উপকাৰিতা সাধন কৰে ৷ খালী পেটত চিয়া বীজ মিহলোৱা পানী খাব পাৰে ৷ ইয়াত বহুতো এন্টিঅক্সিডেন্ট আৰু এন্টি-ইনফ্লেমেটৰী উপাদান পোৱা যায় যিবোৰ শৰীৰৰ বাবে যথেষ্ট লাভদায়ক ৷ সেয়ে আজি এই প্ৰতিবেদনৰ জৰিয়তে চিয়া বীজ মিহলোৱা পানী খোৱাৰ উপকাৰিতা জানো আহক-
- সুস্থ পাচনতন্ত্ৰৰ বাবে
চিয়া বীজত প্ৰচুৰ পৰিমাণে আঁহ থাকে ৷ সেয়ে প্ৰতিদিনে পুৱা চিয়া বীজ মিহলোৱা পানী খালে হজম শক্তি উন্নত হয় আৰু পেটৰ সৈতে জড়িত কোষ্ঠকাঠিন্য আৰু বদহজম আদি ৰোগ নিৰাময় হয় ৷
- ডায়েবেটিছ নিয়ন্ত্ৰণত থাকিব
এনে পুষ্টি আৰু যৌগ চিয়া বীজত পোৱা যায় যিয়ে শৰীৰত চেনিৰ মাত্ৰা নিয়ন্ত্ৰণ কৰাত সহায় কৰে ৷ যদি আপুনিও চেনি ৰোগী তেন্তে নিশ্চিতভাৱে আপোনাৰ খাদ্যত চিয়া বীজ মিহলোৱা পানী অন্তৰ্ভুক্ত কৰক ৷
- বি পি নিয়ন্ত্ৰণত আছে
চিয়া বীজত বহুতো এন্টিঅক্সিডেন্ট পোৱা যায় যিয়ে উচ্চ ৰক্তচাপ নিয়ন্ত্ৰণত সহায় কৰে ৷ উচ্চ ৰক্তচাপ থকা লোকে চিয়া বীজ মিহলোৱা পানী সেৱন কৰিব লাগে ৷
- হাড়বোৰ শক্তিশালী হৈ থাকে
হাড়ৰ বাবে প্ৰয়োজনীয় পুষ্টি যেনে কেলচিয়াম, মেগনেছিয়াম আৰু ফছফৰাছ চিয়া বীজত পোৱা যায় ৷ যদি আপোনাৰো হাড় দুৰ্বল বা হাড়ৰ লগত জড়িত ৰোগ আছে তেন্তে প্ৰতিদিনে খালী পেটত চিয়া বীজ মিহলোৱা পানী খাবলৈ আৰম্ভ কৰক ৷
লগতে পঢ়ক: Chia seeds: গাখীৰতকৈও পাঁচগুণ অধিক কেলছিয়ামেৰে সমৃদ্ধ চিয়া বীজ
