হোটেল বা ৰেস্তোৰাঁত খাদ্যৰ লগত পৰিবেশন কৰা ভিনেগাৰত তিওৱা পিয়াঁজে খাদ্যৰ সোৱাদ বৃদ্ধি কৰাই নহয়, স্বাস্থ্যৰ বাবেও অতি উপকাৰী ৷ পিয়াঁজৰ নিজস্ব বহুতো গুণ আছে আৰু ভিনেগাৰৰ নিজস্ব গুণ আছে, গতিকে দুয়োটা একেলগে খালে ইহঁতৰ পুষ্টি আৰু অধিক বৃদ্ধি পায় ৷
ভিনেগাৰত তিওৱা পিয়াঁজ কেনেকৈ উপকাৰী ?
ৰঙা পিয়াঁজ বগা পিয়াঁজতকৈ স্বাস্থ্যকৰ আৰু ইয়াক ভিনেগাৰত মিহলাই দিলে ইয়াত থকা ভিটামিন আৰু খনিজ পদাৰ্থ আৰু অধিক বৃদ্ধি পায় ৷ ভিনেগাৰৰ সৈতে পিয়াঁজ খোৱাটোৱে হজম শক্তিত সহায় কৰে কাৰণ ইয়াত প্ৰ’বায়’টিক আৰু বহুতো আন্ত্ৰিক অনুকূল এনজাইম থাকে ৷
অন্যান্য উপকাৰিতা
১) ৰক্তশৰ্কৰা নিয়ন্ত্ৰণত থাকে
পিয়াঁজত এলাইল প্ৰপাইল ডাইছালফাইড থাকে ৷ এই তেলে ইনচুলিন ব্লাড চুগাৰৰ মাত্ৰা নিয়ন্ত্ৰণ কৰাত সহায় কৰে ৷ বগা ভিনেগাৰৰ ৰক্তশৰ্কৰা নিয়ন্ত্ৰণ কৰাৰ গুণো আছে, গতিকে যিসকলৰ ব্লাড চুগাৰৰ মাত্ৰা কম বেছি হৈ থাকে তেওঁলোকৰ বাবেও এই দুয়োটাৰ সংমিশ্ৰণ অতি উপকাৰী ৷
২) বেয়া কলেষ্টেৰল হ্ৰাস কৰে
বেয়া কলেষ্টেৰল কমোৱাতো ৰঙা পিয়াঁজ অতি ফলপ্ৰসূ ৷ বহু গৱেষণাৰ পৰা দেখা গৈছে যে দৈনিক ভিনেগাৰযুক্ত পিয়াঁজ খালে ভাল কলেষ্টেৰল ৩০% বৃদ্ধি পাব পায় ৷
৩) কেন্সাৰ হোৱাৰ সম্ভাৱনা কম
পিয়াঁজ খালে প্ৰষ্টেট কেন্সাৰৰ সম্ভাৱনাও হ্ৰাস পাব পাৰে বুলিও বহু গৱেষণাত প্ৰমাণিত হৈছে ৷ কেৱল এয়াই নহয়, পিয়াঁজ খালে পেট আৰু স্তন কেন্সাৰ হোৱাৰ সম্ভাৱনাও কমি যায় ৷
এই সকলোবোৰ সুবিধা পাবলৈ ভিনেগাৰযুক্ত পিয়াঁজ খাদ্য তালিকাত অন্তৰ্ভুক্ত কৰক ৷ কিন্তু মনত ৰাখিব যে ২৪ ঘণ্টাতকৈ অধিক সময় পিয়াঁজ ভিনেগাৰত নাৰাখিব ৷ অন্যথা ইয়াৰ সকলো উপকাৰিতা, টেক্সচাৰ আৰু সোৱাদ নোহোৱা হৈ যাব ৷
লগত পঢ়ক: Benefits of Yoga: সূৰ্য নমস্কাৰ কি ? ইয়াৰ লাভালাভ সমূহৰ বিষয়ে অধিক জানো আহক
লগত পঢ়ক: Health Tips: আপুনিও ধঁপাত গ্ৰহণ কৰে নেকি? তেন্তে ইয়াৰ পৰা পৰিত্ৰাণ পোৱাৰ ঘৰুৱা উপায়সমূহ জানি লওক
