জলবায়ুৰ পৰিবৰ্তন বাবে এতিয়া বিভিন্ন ৰোগত আক্রান্ত হৈছে বহুজন। সূৰ্যৰ তাপমাত্ৰাৰ বাবে মানুহৰ শৰীৰত হিট ৰেচ, ঘামচি আদি হোৱা দেখা যায়। ইয়াৰ পৰা বাছিবলৈ কিছু উপায় অৱলম্বন কৰিব লাগে । যেনে-
১) অতি গুৰুত্বপূৰ্ণ কাম নাথাকিলে ৰ'দত বাহিৰলৈ ওলাই যাব নালাগে ।
২) বাহিৰলৈ গলে ছাতি, বা টুপী ব্যৱহাৰ কৰিব লাগে ।
৩) সূৰ্য্যৰ ৰশ্মি বা তাপৰ পৰা বাচিবলৈ ঘৰৰ পৰা বাহিৰলৈ গলে দীঘল হাতৰ চোলা পৰিধান কৰিব লাগে ।
৪) পাতল ৰঙৰ কাপোৰ পৰিধান কৰিব পাৰে। ডাঠ বা উজ্জ্বল ৰঙৰ কাপোৰ পৰিধান কৰিলে সূৰ্য্যতাপে সহজে আপোনাৰ দেহত আক্ৰমণ কৰিব পাৰে ।
সূৰ্যৰ তাপৰ বাবে দেহৰ পৰা অতি বেছি পৰিমাণে ঘাম ওলাই। গৰমৰ বাবে আমাৰ শৰীৰৰ পানী কমি যায় । সেয়েহে মানুহ অতি সহজে দুৰ্বল হৈ যায় , হিট ক্ৰেম্পচ (cramps) হয় । ইয়াৰপৰা বাচিবলৈ হ’লে ল'ব লগীয়া সাৱধানতা সমূহ হ’ল-
১) সূৰ্য্যৰ তাপত বাহিৰলৈ ওলাই যাব নালাগে ।
২) ঘনাই ঘনাই পানী খাব লাগে ।
৩) সতেজ ফলমূলৰ ৰস খাব লাগে ।
৪) ORSL ঘনাই ঘনাই খাই থাকিব লাগে ।
৫) কল্ড ড্ৰিংকছ বা এনাৰ্জী ড্ৰিংকছ খাব নালাগে ।
৬) সম্ভৱ হলে সঘনাই গা ধুব লাগে ।
এই উপায় সমূহ অৱলম্বন কৰি আপুনি হিট ষ্ট্ৰোকৰ পৰাও ৰক্ষা পাব পাৰে ।
হিট ষ্ট্ৰকৰ লক্ষণসমূহ কি কি ?
হিট ষ্ট্ৰকৰ হ’লে দেহত ঘামচি ওলোৱা, মাংসপেশী সমূহ বিষোৱা, খুব পিয়াঁহ লগা, মানুহজন সোনকালে অৱশ হৈ যোৱা, হাত-ভৰি কোছাই নিয়া, ভ্ৰম বকা আদি হিট ষ্ট্ৰকৰ লক্ষণ । এনেবোৰ লক্ষণ দেখা দিয়া মাত্ৰকে পলম নকৰি অতি সোনকালে চিকিৎসকৰ পৰামৰ্শ গ্ৰহণ কৰা লগতে চিকিৎসালয়লৈ নিব লাগে ।
লগতে পঢ়ক: Conjunctivitis: চকুৰ কনজাংকটিভাইটিছৰ লক্ষণ তথা ল'বলগীয়া সাৱধানতাসমূহ জানি লওক
