Crispy Corn Recipe: ঘৰতে সহজতে তৈয়াৰ কৰক ৰেষ্টুৰেন্টৰ দৰে সুস্বাদু Crispy Corn

Crispy Corn অধিকাংশ লোকৰে প্ৰিয় । এই খাদ্য ঘৰতে বনাবলৈ অতি সহজ আৰু তলত দিয়া ষ্টেপ বাই ষ্টেপ ৰেচিপিটোৰ সহায়ত আপুনি ৰেষ্টুৰেন্টৰ দৰেই এই খাদ্য তৈয়াৰ কৰিব পাৰে । তেন্তে জানি লওক ঘৰতে তৈয়াৰ কৰিব পৰা Crispy Cornৰ আটাইতকৈ সহজ পদ্ধতি ৷

Crispy Corn অধিকাংশ লোকৰে প্ৰিয় । কেৱল এই খাদ্যৰ সোৱাদ ল’বলৈ যদি আপুনি ৰেষ্টুৰেন্টলৈ যায় তেন্তে যথেষ্ট টকা খৰচ কৰিবলগীয়া হয় । কিন্তু আপুনি জানেনে যে এই খাদ্য আপুনি ঘৰতে অতি সহজে তৈয়াৰ কৰিব পাৰে ৷ তলত দিয়া ষ্টেপ বাই ষ্টেপ ৰেচিপিটোৰ সহায়ত আপুনি ৰেষ্টুৰেন্টৰ দৰেই Crispy Corn ঘৰতে অতি সহজে তৈয়াৰ কৰিব পাৰিব(How to make Crispy corn at Home) । কেৱল ৰঙা জলকীয়াৰ গুড়ি, শুকান আমৰ গুড়ি আৰু নিমখৰ দৰে মাত্ৰ তিনিটা মছলাহে ব্যৱহাৰ কৰি ব্যঞ্জনটো সুস্বাদু কৰি তুলিব পাৰিব । এই সুস্বাদু খাদ্য চাহ বা কফিৰ সৈতে সন্ধিয়াৰ জলপান হিচাপেও পৰিবেশন কৰিব পাৰি । লগতে মিহিকৈ কটা পিঁয়াজ, বিলাহী আৰু কেপচিকামৰ সৈতে এই খাদ্য অধিক সুস্বাদু আৰু সোৱাদযুক্ত কৰি তুলিব পাৰে(Crispy Corn Recipe) । তেন্তে আহক জানো এই খাদ্য কেনেকৈ তৈয়াৰ কৰা হয়-

Crispy Cornৰ বাবে উপকৰণ-

২ কাপ ফ্ৰ’জেন চুইট কৰ্ণ

২ চামুচ চাউলৰ আটা

প্ৰয়োজন অনুসৰি নিমখ

১/২ চামুচ শুকান আমৰ গুড়ি

১ কাপ ৰিফাইন

১/৪ কৰ্ণ ফ্লাৰ

১/২ চামুচ জালুক

১/২ চামুচ ৰঙা জলকীয়াৰ গুড়ি

১ চামুচ নেমুৰ ৰস

Crispy Corn তৈয়াৰ কৰাৰ পদ্ধতি-

ফ্ৰ’জেন চুইট কৰ্ণখিনি এটা পাত্ৰত অলপ পানীত ২ মিনিট মান ভালদৰে সিজাই লওক । এতিয়া পানীখিনি আঁতৰাই এটা পাত্ৰত কৰ্ণখিনি থৈ দিয়ক তাত চাউলৰ আটা আৰু কৰ্ণ ফ্লাৰ দি ভালদৰে মিহলাই লওক । এতিয়া নিমখ আৰু জলকীয়াৰ গুড়ি অলপ দিব । আকৌ মিহলাই কৰ্ণখিনি ভালদৰে লেপ দিব । এতিয়া কৰ্ণখিনি চালনীত দি অলপ লৰাই ল'ব আৰু অতিৰিক্ত আটাখিনি আঁতৰাই ল'ব । কেৰাহীত তেল গৰম কৰক । লেপ দিয়া কৰ্ণখিনি Crispy আৰু সোণালী বৰণৰ হোৱালৈকে ডিপ ফ্ৰাই কৰক । এটা বাটিত ভজা কৰ্ণখিনি ৰঙা জলকীয়াৰ গুড়ি, আমৰ গুড়ি, নিমখ আৰু নেমুৰ ৰস দিব । ভালদৰে টছ কৰি কৰ্ণখিনি মছলাত লেপ দিব । সোৱাদ অনুসৰি অলপ নিমখ দিব । আপোনাৰ সুস্বাদু Crispy Corn পৰিবেশন কৰিবলৈ সাজু হৈছে ৷

লগতে পঢ়ক : কেঞ্চাৰ, হৃদৰোগৰ প্ৰতিৰোধী Tomato Catchupৰ আন উপকাৰিতাসমূহ জানক