বাৰিষাত চাহ আৰু পকোৰাৰ সংমিশ্ৰণ বৰ ভাল লাগে । এই বতৰত মানুহে বহু প্ৰকাৰৰ পকোৰা উপভোগ কৰে । ইয়াত আলু, পিয়াঁজৰ পৰা আৰম্ভ কৰি জলকীয়ালৈকে বিভিন্ন ধৰণৰ পকৰি অন্তৰ্ভুক্ত কৰা হৈছে । পকৰি ঘৰতে অতি সহজে প্ৰস্তুত কৰা হয় । ইয়াৰ উপৰিও যদি আপুনি স্বাস্থ্যসন্মত কিবা এটা খাব বিচাৰে, তেন্তে আপুনি মাকৈৰ এই ৰেচিপি ট্ৰাই কৰি চাব পাৰে । ঘৰতে বনাব পাৰে মচলা কৰ্ণ ।
শেহতীয়াকৈ বিখ্যাত চেফ কুনাল কাপুৰে নিজৰ ছ’চিয়েল মিডিয়া একাউণ্টত কৰ্ণ মচলাৰ ৰেচিপি শ্বেয়াৰ কৰিছে । শিশুসকলেও মাকৈৰ এই স্নেক খুবেই পচন্দ কৰিব । স্বাস্থ্যকৰ হোৱাৰ উপৰিও ই অতি সোৱাদযুক্তও । ঘৰতে কেনেকৈ মাকৈ মচলা তৈয়াৰ কৰিব পাৰে জানো আহক ।
মচলা মাকৈৰ সামগ্ৰী
- মাকৈ- ১
- পানী - ৩ কাপ
- গাখীৰ - আধা কাপ
- নিমখ - আধা চামুচ
- চিলি ফ্লেকছ - ১ চামুচ
- অৰেগানো - ১ চামুচ
- মাখন – ১ চামুচ
- নেমু - আধা
- চাট মচলা - ১ চামুচ
- কটা সতেজ ধনীয়া
মচলা কৰ্ণ ৰেচিপি
- প্ৰথমে এটা মাকৈ লওক । মাকৈ ৩ টুকুৰা কৰি কাটি লওক ।
- ইয়াৰ পিছত কেৰাহীটো গেছত ৰাখক । কেৰাহীত ৩ কাপ পানী ঢালি মাকৈৰ টুকুৰাবোৰ সিজিবলৈ দিয়ক ।
- তাত আধা কাপ গাখীৰ দিব । আধা চামুচ নিমখ দিব । এচামুচ চিলি ফ্লেক বা চিলি ফ্লেকছ দিব ।
- এক চামুচ অৰেগানো দি ১ চামুচ মাখন দিব । এতিয়া কিছু সময় সিজোৱালৈকে উতলাই লওক ।
- এতিয়া কেৰাহীৰ পৰা মাকৈ টুকুৰাবোৰ উলিয়াই ঠাণ্ডা হ’বলৈ দিব । তাৰ ওপৰত এচামুচ চাট মচলা দিব ।
- তাৰ ওপৰত আধা নেমুৰ ৰস লগাব । তাৰ ওপৰত সদ্য কটা ধনীয়া দিব ।
- ইয়াৰ পিছত প্লেটত থৈ পৰিবেশন কৰিব । বাৰিষাকালত এইবিধ খাদ্য খাবলৈ বৰ সোৱাদ লাগে ।
মাকৈ খোৱাৰ উপকাৰিতা
মাকৈ খোৱাৰ ফলত দাঁত মজবুত হয় । মাকৈত ভিটামিন A থাকে । ই ছালখন সুস্থ কৰি ৰাখে । ইয়াত মেগনেছিয়াম আৰু আইৰণৰ দৰে পুষ্টিকৰ উপাদান থাকে । হাড়বোৰ মজবুত কৰি তোলে । এইখিনি খালে চকুৰ দৃষ্টিশক্তি বৃদ্ধি পায় । মাকৈখোৱাটোৱে বেয়া কলেষ্টেৰল নিয়ন্ত্ৰণত সহায় কৰে । মচলা মাকৈ খালে গোটেই দিনটো শক্তিশালী হৈ থাকিব পাৰে ।
লগতে পঢ়ক: Bones diseases: ৩০ বছৰ বয়সত হাড় দুৰ্বল হৈ আহিছে ? চিকিৎসকৰ পৰা জানি লওক নিদানৰ উপায়
