তিনিটা গ্ৰহই নিজৰ গৃহ সলনি কৰাৰ ফলত অক্টোবৰ মাহত তিনি ৰাশিৰ জাতক-জাতিকাৰ ভাগ্য উদয় হ'ব ৷ লগতে দুই ৰাশিৰ জাতক- জাতিকাই বাধাৰ ফল ভোগ কৰিব ৷ ছেপ্টেম্বৰ মাহৰ ২৮ তাৰিখে বুধ গ্ৰহই নিজৰ বাসস্থান সলনি কৰিছে ৷ লগতেই অক্টোবৰ মাহৰ ২ তাৰিখে শুক্ৰ গ্ৰহ আৰু ৩ তাৰিখে মংগল গ্ৰহই নিজৰ বাসস্থান সলনি কৰিছে ৷
এই তিনিটা গ্ৰহই নিজৰ বাসস্থান সলনি কৰাৰ ফলত তিনিটা ৰাশিৰ জাতক-জাতিকাসকলে অক্টোবৰ মাহত ভাল ফলাফল লাভ কৰিব ৷ সেই ৰাশি তিনিটা হৈছে- বৃষ ৰাশি, ধনু ৰাশি আৰু কুম্ভ ৰাশি ৷ আনহাতে বাধাৰ ফল লাভ কৰিব লগীয়া ৰাশি দুটা হৈছে-মেষ আৰু মীন ৰাশি ৷
বৃষ ৰাশি:- অক্টোবৰ মাহত বৃষ ৰাশিৰ জাতক- জাতিকাৰ সম্পত্তি ক্ৰয় কৰাৰ যোগ আছে ৷ লগতেই বিলাসিতা বৃদ্ধি পাব পাৰে ৷ প্ৰেমৰ ক্ষেত্ৰতো এই মাহটো এই ৰাশিৰ লোকসকলৰ বাবে ভাল ৷ নতুন প্ৰেমৰ যোগ আহিব পাৰে ৷ কৰ্মক্ষেত্ৰত উন্নতি সাধন কৰা লগতেই বিত্তীয় লাভ হোৱাৰ যোগ আছে ৷
ধনু ৰাশি:- ধনু ৰাশিৰ লোকসকলে কেৰিয়াত বিশেষ সফলতা লাভ কৰিব ৷ বিত্তীয় দিশৰ ফালৰ পৰাও এই ৰাশিৰ লোকসকলে বিশেষ সুফল লাভ কৰিব ৷ লটাৰীৰ লগতেই, শ্বেয়াৰ আদি ক্ৰয় কৰিলে সফলতা পাব ৷
কুম্ভ ৰাশি:- কুম্ভ ৰাশিৰ জাতক-জাতিকা সকলৰ বাবে অক্টোবৰ মাহত অবিবাহিত লোকসকলৰ বিবাহৰ যোগ আছে ৷ লগতেই দূৰ ভ্ৰমণৰো যোগ আছে ৷ নতুন যোগ বা নতুন কোনো ব্যৱসায়ৰ যোগ এই ৰাশি জাতক-জাতিকাসকলৰ বাবে আছে ৷ নিবনুৱাসকলৰ ক্ষেত্ৰত চাকৰিৰ যোগো আছে ৷
আনহাতে মেষ আৰু মীন ৰাশিৰ জাতক-জাতিকাসকলৰ ক্ষেত্ৰত স্বাস্থ্য আৰু সম্পৰ্কৰ ক্ষেত্ৰত কিছু বাধা আহিব পাৰে ৷ এনে ব্যক্তিসকলে প্ৰতিকাৰ হিচাপে মঙলবাৰে ব্ৰতত থকাৰ উপৰিও নিৰামিষ ভোজন কৰিব পাৰে ৷
লগতে পঢ়ক: Neck pain: ডিঙিৰ বিষে আমনি কৰিছে ? তেন্তে জানি লওক এই উপায়
