শীতকাল অহাৰ লগে লগে আমি বিভিন্ন ৰোগৰ সন্মুখীন হ’বলগীয়া হয় ৷ যিসকল লোকৰ ৰোগ প্ৰতিৰোধ ক্ষমতা দুৰ্বল হয় তেওঁলোকে প্ৰায়ে জ্বৰ আৰু চৰ্দিৰ সৈতে যুঁজিবলগীয়া হয় ৷ শীতকালত বিভিন্ন ৰোগৰ পৰা আঁতৰি থাকিবলৈ খাদ্যৰ পৰিৱৰ্তন কৰাটো অতি প্ৰয়োজনীয় ৷ এই বতৰত বহুতো শাক-পাচলি আৰু ফল-মূলো পোৱা যায় ৷ এই ফল-মূলে শৰীৰক বিভিন্ন ৰোগৰ পৰা আঁতৰাই ৰখাৰ শৰীৰক শক্তিশালী কৰি ৰখাত সহায় কৰে ৷
শীতকালত গ্ৰহণ কৰিবলগীয়া এবিধ খাদ্য হৈছে বাদাম ৷ বাদামৰ অবিহনে শীতকাল আধৰুৱা ৷ বহুতে সময় পাৰ কৰাৰ উপায় হিচাপে বাদাম খোৱাটো পচন্দ কৰে ৷ এই সৰু সৰু বাদামক স্বাস্থ্যৰ বাবে আশীৰ্বাদ হিচাপে গণ্য কৰা হয় ৷
ভিটামিন, খনিজ পদাৰ্থ, প্ৰ’টিন, আঁহকে ধৰি বহুতো পুষ্টিকৰ উপাদান ইয়াত প্ৰচুৰ পৰিমাণে পোৱা যায় ৷ আজি আমি আপোনালোকক শীতকালত বাদাম খোৱাৰ উপকাৰিতাৰ বিষয়ে জনাবলৈ ওলাইছো ৷
ডায়েবেটিছ
ডায়েবেটিছ ৰোগীৰ বাবে বাদাম সেৱন অতি উপকাৰী ৷ এনে বহু পুষ্টিকৰ উপাদান ইয়াত পোৱা যায় যিয়ে ৰক্তশৰ্কৰাৰ মাত্ৰা বজাই ৰখাত সহায় কৰে ৷ ৰক্তশৰ্কৰাৰ মাত্ৰা বজাই ৰাখিবলৈ খাদ্যত বাদাম অন্তৰ্ভুক্ত কৰাটো খুবেই প্ৰয়োজনীয়৷
হাড়ৰ স্বাস্থ্য
বাদামত পৰ্যাপ্ত পৰিমাণে মেংগানিজ আৰু ফছফৰাছ থাকে যিয়ে হাড় সুস্থ কৰি ৰখাত সহায় কৰে ৷ শীতকালত হাড় মজবুত কৰি ৰাখিবলৈ খাদ্যত বাদাম অন্তৰ্ভুক্ত কৰিব লাগে ৷
ওজন কমি যোৱা
ওজন বৃদ্ধিত ভুগি থকা লোকৰ বাবে বাদামৰ পৰিমাণ অতি সহায়ক হ’ব পাৰে ৷ ইয়াক সেৱন কৰিলে ওজন কমি যায় ৷ আচলতে বাদাম খালে বহুদিনলৈ ভোক নাথাকে ৷ যদি আপুনি শীতকালত মেদবহুলতা হ্ৰাস কৰিব বিচাৰে, তেন্তে নিশ্চিতভাৱে আপোনাৰ খাদ্যত বাদাম অন্তৰ্ভুক্ত কৰক ৷
সুস্থ ছাল
বাদামত ভিটামিন বি ১২কে ধৰি বহুতো পুষ্টিকৰ উপাদান প্ৰচুৰ পৰিমাণে থাকে যিবোৰ ছালৰ বাবে অতি উপকাৰী বুলি প্ৰমাণিত হয় ৷ নিয়মিতভাৱে বাদাম সেৱন কৰিলে ছাল ভালে থাকে ৷
হৃদযন্ত্ৰৰ স্বাস্থ্য
বাদাম খালে বেয়া কলেষ্টেৰলৰ মাত্ৰা হ্ৰাস পায় আৰু ভাল কলেষ্টেৰলৰ মাত্ৰা বৃদ্ধি পায় ৷ ইয়াৰ সেৱনে হৃদৰোগৰ সম্ভাৱনা হ্ৰাস কৰে ৷
লগতে পঢ়ক: ভুলতেও শৰীৰত অভাৱ হ’বলৈ নিদিব এই ভিটামিনৰ; অন্যথা হ’ব এই লোকচান
