প্ৰায় সকলো সময়তে সকলোতে উপলব্ধ এবিধ ফল অমিতা ৷ মিঠা সোৱাদ, জীৱন্ত ৰং তথা ইয়াৰ আশ্বৰ্যজনক স্বাস্থ্য লাভালাভে অমিতাক এক জনপ্ৰিয় ফল হিচাপে গঢ়ি তুলিছে ৷ অমিতাত উচ্চ পৰিমাণৰ এণ্টিঅক্সিডেণ্টৰ লগতে আছে ভিটামিন এ, ভিটামিন চি, আৰু ভিটামিন ই ৷ উচ্চ পৰিমাণৰ এণ্টিঅক্সিডেণ্ট থকা আহাৰে হৃদৰোগৰ আশংকা হ্ৰাস কৰিব পাৰে ৷ এণ্টিঅক্সিডেণ্টবোৰে কলেষ্টৰেলো প্ৰতিহত কৰে ৷ অমিতাৰ বিভিন্ন স্বাস্থ্য উপকাৰিতা সন্দৰ্ভত আজি জানো আহক-
হাঁপানি প্ৰতিৰোধ
কিছুমান পুষ্টি সঠিক পৰিমাণত গ্ৰহণ কৰা লোকৰ হাঁপানি হোৱাৰ আশংকা কম থাকে ৷ এই পুষ্টিবোৰৰ অন্যতম হৈছে বিটা কেৰোটিন, যি অমিতাত যথেষ্ট পৰিমাণে থাকে ৷ অমিতাৰ লগতে ব্ৰকলী, ৰঙালাও আৰু গাজৰৰ দৰে খাদ্যতো বিটা কোৰোটিন অধিক মাত্ৰাত থাকে ৷
কৰ্কট ৰোগ প্ৰতিৰোধ
বিটা-কেৰোটিনে কৰ্কট ৰোগৰ আশংকা বহু পৰিমাণে হ্ৰাস কৰিব পাৰে ৷ আমি জানো যে অমিতাত প্ৰচুৰ মাত্ৰাত বিটা কেৰোটিন পোৱা যায় ৷ সেয়ে কৰ্কট ৰোগ প্ৰতিৰোধৰ বাবে অমিতা খোৱা অতি দৰকাৰী ৷এক অধ্যয়ন অনুসৰি, কম বয়সীয়া পুৰুষে বিটা কেৰোটিন সমৃদ্ধ আহাৰ খালে তেওঁলোকৰ প্ৰষ্টেট কৰ্কটৰোগ হোৱাৰ আশংকা খুবেই কম থাকে ৷
হজম শক্তি বৃদ্ধি কৰে
অমিতাত পেপেইন নামৰ এক এনজাইম থাকে ৷ এই এমজাইমে হজমত সহায় কৰে ৷ যাৰ বাবে অমিতাক মাংস ৰন্ধনকৰ্তা হিচাপে ব্যৱহাৰ কৰিব পাৰি ৷ অমিতাত আঁহ আৰু পানীৰ পৰিমাণ অধিক হোৱাৰ বাবে ই কোষ্ঠকাঠিন্য প্ৰতিৰোধ কৰাৰ লগতে স্বাস্থ্যকৰ পাচন নলী তৈয়াৰ কৰাতো ই সহায় কৰে ৷
হৃদৰোগ প্ৰতিহত কৰে
অমিতাত থকা আঁহ, পটাছিয়াম আৰু ভিটামিনে হৃদৰোগ প্ৰতিহত কৰাত সহায় কৰে ৷ পটাছিয়াম গ্ৰহণ বৃদ্ধি হোৱাৰ লগতে ছ’ডিয়াম গ্ৰহণ হ্ৰাস হোৱাটো হৈছে আটাইতকৈ গুৰুত্বপূৰ্ণ আহাৰ পৰিৱৰ্তন যি এজন ব্যক্তিয়ে তেওঁলোকৰ কাৰ্ডিওভাস্কুলাৰ ৰোগৰ আশংকা হ্ৰাস কৰিবলৈ কৰিব পাৰে ৷
চুলিৰ স্বাস্থ্য
অমিতা চুলিৰ বাবেও উৎকৃষ্ট কিয়নো ইয়াত ভিটামিন এ থাকে, যিয়ে চিবাম উৎপাদন কৰাত সহায় কৰে ৷ চিবামে চুলি ‘মইশ্চাৰাইজ’ কৰি ৰাখে ৷ আনহাতে, ছাল আৰু চুলিকে ধৰি সকলো শাৰীৰিক কলাৰ বিকাশৰ বাবে ভিটামিন এ প্ৰয়োজনীয় ৷
ওজন হ্ৰাস কৰাত সহায়ক
পকা অমিতা সামান্য মিঠা যদিও কম কেলৰিযুক্ত হোৱা বাবে ওজন হ্ৰাস কৰিবলৈ বিচৰা ব্যক্তিয়ে আহাৰৰ তালিকাত অন্তৰ্ভুক্ত কৰি ল’ব পাৰে ৷
চকুৰ বাবে উপকাৰী
অমিতা চকুৰ বিভিন্ন ৰোগৰ বাবেও উপকাৰী ৷ ইয়াত থকা যথেষ্ট পৰিমাণৰ ভিটামিন-‘এ’ৰ উপস্থিতিয়ে চকুকেইটাক ৰোগৰ পৰা ৰক্ষা কৰি থাকে ৷ লগতে চকুৰ ৰশ্মি কম হোৱাৰ পৰাও ৰক্ষা কৰে ৷ অমিতা খাই থাকিলে ছানি পৰা ৰোগ নিৰাময় হোৱাৰ লগতে চকুৰ ৰশ্মিও বৃদ্ধি পায় ৷
মাহেকীয়াৰ বিষৰ পৰা পৰিত্ৰাণ
অমিতাত থকা পেপেইন নামৰ এনজাইমে মহিলাৰ মাহেকীয়া হোৱাৰ সময়ত হোৱা পেটৰ বিষৰ পৰা ৰক্ষা কৰে ৷সেয়ে মাহেকীয়া হোৱাৰ সময়ত বিষত ভোগা মহিলাসকলে আহাৰত অমিতা খাব লাগে ৷
লগতে পঢ়ক: শীতকালত খাদ্য তালিকাত নিশ্চয়কৈ অন্তৰ্ভুক্ত কৰক এইসমূহ ফল
