গৰ্ভাৱস্থাত মহিলাসকলে খাদ্যাভ্যাসৰ প্ৰতি অতি সতৰ্ক হয়, তেওঁলোকক এনে খাদ্যৰ প্ৰয়োজন যিয়ে গৰ্ভত থকা শিশুটিক সঠিকভাৱে পুষ্টি দিব পাৰে ৷ এই সময়ছোৱাত অতিমাত্ৰা খাদ্য খোৱাৰ পৰা বিৰত থাকিব আৰু পুষ্টিকৰ খাদ্য গ্ৰহণ কৰি থাকিব ৷ গৰ্ভাৱস্থাত সঠিক খাদ্যাভ্যাসে আপোনাৰ গৰ্ভস্থ সন্তানৰ জীৱনৰ এটা ভাল আৰম্ভণি দিব পাৰে ৷ গৰ্ভাৱস্থাত মহিলাৰ বাবে ভিটামিন, খনিজ পদাৰ্থ, স্বাস্থ্যকৰ চৰ্বি, জটিল কাৰ্বহাইড্ৰেট, আঁহ আৰু তৰল পদাৰ্থ সেৱন কৰাটো গুৰুত্বপূৰ্ণ ৷
গৰ্ভৱতী মহিলাই এই ৬টা খাদ্য খাব লাগিব
১/ দুগ্ধজাত সামগ্ৰী
গৰ্ভাৱস্থাত মহিলাক অতিৰিক্ত প্ৰ’টিন আৰু কেলচিয়ামৰ প্ৰয়োজন হয়, গতিকে গাখীৰ আৰু দৈ আপোনাৰ তালিকাত অন্তৰ্ভুক্ত কৰিব লাগিব যাতে গুৰুত্বপূৰ্ণ পুষ্টিকৰ উপাদান বিচাৰি পোৱা যায় ৷
২/ মিঠা আলু
মিঠা আলু খাবলৈ সুস্বাদু হোৱাই নহয়, গৰ্ভত উপস্থিত থকা শিশুৰ বাবেও উপকাৰী ৷ ই ভিটামিন এ আৰু ফাইবাৰ যোগান ধৰে ৷
৩/ ছালমন মাছ
যদি আপুনি সাগৰীয় খাদ্যৰ প্ৰতি আকৰ্ষিত, তেন্তে গৰ্ভাৱস্থাত নিশ্চয়কৈ ছালমন মাছ খাব কাৰণ ইয়াত প্ৰচুৰ পৰিমাণে ভিটামিন ডি আৰু কেলচিয়াম থাকে, যিটো হাড়ৰ বিকাশৰ বাবে প্ৰয়োজনীয় ৷
৪/ কণী
কণীক অতি স্বাস্থ্যকৰ খাদ্য বুলি গণ্য কৰা হয়, যিয়ে গৰ্ভাৱস্থাত প্ৰয়োজনীয় পুষ্টিকৰ উপাদান প্ৰদান কৰে, য’ত প্ৰ’টিন, চৰ্বি, ভিটামিন আৰু খনিজ পদাৰ্থ আদি অন্তৰ্ভুক্ত ৷
৫/ শুকান ফল
কেলৰি, আঁহ, বহুতো ভিটামিন আৰু খনিজ পদাৰ্থ শুকান ফলত পোৱা যায় ৷ ইয়াৰ লগতে প্ৰাকৃতিক চেনিও বহুতো শুকান ফলত পোৱা যায় ৷ গৰ্ভাৱস্থাত মহিলাসকলে এইবোৰ সেৱন কৰিব লাগিব ৷
৬/ তৰল পদাৰ্থ
গৰ্ভাৱস্থাত নিয়মীয়াকৈ তৰল পদাৰ্থ সেৱন কৰি ৰাখিব যাতে আপুনি আৰু আপোনাৰ শিশুটিয়ে ডিহাইড্ৰেচনত ভুগিবলগীয়া নহয় ৷ পানীৰ বাহিৰেও এনে ফল খাব পাৰে য’ত অধিক তৰল পদাৰ্থ থাকে ৷ প্ৰায়ে নাৰিকল পানী খোৱাৰ পৰামৰ্শ দিয়া হয় ৷
লগতে পঢ়ক: French Fries: আপুনি ফ্ৰেঞ্চ ফ্ৰাই খাই ভাল পায় নেকি ? তেন্তে হৈ যাওক সাৱধান!
