ডায়েবেটিছ হ’ল এনে এবিধ ৰোগ, য’ত শৰীৰে পৰ্যাপ্ত পৰিমাণৰ ইনচুলিন উৎপাদন নকৰে বা ইনচুলিন সঠিকভাৱে ব্যৱহাৰ কৰিব নোৱাৰে ৷ ইনচুলিন হৈছে এনে এবিধ হৰম’ন য’ত শৰীৰে খাদ্যৰ পৰা গ্লুক’জক শক্তিলৈ ৰূপান্তৰিত কৰাত সহায় কৰে ৷ ডায়েবেটিছৰ কোনো নিৰাময় নাই যদিও ইয়াক নিয়ন্ত্ৰণ কৰাটো সম্ভৱ ৷ জীৱনশৈলী আৰু খাদ্যাভ্যাসৰ পৰিৱৰ্তন কৰি ইয়াক নিয়ন্ত্ৰণ কৰিব পাৰি ৷ এই ক্ষেত্ৰত নয়নতৰা ফুলে আপোনাক যথেষ্ট সহায় কৰিব পাৰে ৷
ভাৰতত যুগ যুগ ধৰি পৰম্পৰাগত চিকিৎসা বিজ্ঞানত ব্যৱহাৰ কৰি অহা এবিধ ফুল হৈছে নয়নতৰা ৷ ইয়াৰ বৈজ্ঞানিক নাম Catharanthus roseus ৷ নয়নতৰা আন নামেৰেও জনা যায়, যেনে- সদাফুলি, মাদাগাস্কাৰ পেৰিউইংকল ৷ ঔষধি গুণেৰে সমৃদ্ধ নয়নতৰা ফুলে ডায়েবেটিছ নিয়ন্ত্ৰণত গুৰুত্বপূৰ্ণ ভূমিকা পালন কৰে ৷ নয়নতৰা ফুলত এনে যৌগ থাকে যিবোৰে আয়ুৰ্বেদৰ মতে ডায়েবেটিছ নিয়ন্ত্ৰণত ইতিবাচক প্ৰভাৱ পেলাব পাৰে, এই দীৰ্ঘদিনীয়া অৱস্থাৰ সৈতে যুঁজি থকা লাখ লাখ ব্যক্তিক আশা আৰু সম্ভাৱ্য লাভালাভ প্ৰদান কৰে ৷ ডায়েবেটিছ নিয়ন্ত্ৰণত নয়নতৰা খাদ্যৰ অন্যতম প্ৰধান উপকাৰিতা হ’ল ইয়াৰ ইনচুলিন উৎপাদনক উদ্দীপিত কৰাৰ ক্ষমতা ৷
নয়নতৰা ফুলে কেনেকৈ ডায়েবেটিছ নিয়ন্ত্ৰণ কৰে
ডায়েবেটিছ নিয়ন্ত্ৰণত নয়নতৰা গছৰ ভূমিকা বুজিবলৈ হ’লে আমি ইয়াৰ জৈৱ-ৰাসায়নিক যৌগসমূহৰ গভীৰতালৈ যাব লাগিব ৷ এই উদ্ভিদত এলকেলয়ড (বিশেষকৈ ভিনকামাইন আৰু ভিনব্লাষ্টিন) থাকে, যিয়ে হাইপ’গ্লাইচেমিক গুণ প্ৰদৰ্শন কৰিছে ৷ এই যৌগবোৰে ৰক্তশৰ্কৰাৰ মাত্ৰা হ্ৰাস কৰি ইনচুলিনৰ সংবেদনশীলতা বৃদ্ধি কৰি কাম কৰে ৷
নয়নতৰা কেনেকৈ ব্যৱহাৰ কৰিব ?
নয়নতৰাৰ পাত শুকুৱাই গুড়ি কৰি বায়ু ওলাই যাব নোৱাৰা পাত্ৰত সংগ্ৰহ কৰিব পৰা যায় ৷ এই গুড়ি দৈনিক একাপ চামুচ সতেজ ফলৰ ৰস বা পানীৰ সৈতে খাব লাগে ৷ লগতে নয়নতৰা গছজোপাৰ ফুল লৈ একাপ পানীত উতলাই লওক ৷ সেই পানী চেকি প্ৰতিদিনে পুৱা খালী পেটত সেৱন কৰক ৷
লগতে পঢ়ক: Cracked Heels: ফাটি যোৱা গোৰোহাক হৈ আপুনি চিন্তিত নেকি ? সম্পূৰ্ণ প্ৰতিবেদন পঢ়ি পাওক ইয়াৰ সমাধান
