বৰ্তমানৰ সময়ছোৱাত বহুলোকৰ অনিদ্ৰাৰ সমস্যাত ভোগা দেখিবলৈ পোৱা যায় । চাবলৈ যোৱা যদি প্ৰতি তিনিজন ব্যক্তিৰ ভিতৰত এজনৰ টোপনি নহাৰ সমস্যা থাকে । জীৱনশৈলী আৰু অত্যধিক কৰ্মৰ বাবে এই সমস্যা দিনক দিনে বাঢ়ি গৈ আছে । এনে পৰিস্থিতিত ভাল টোপনি অহাৰ বাবেও আমি বহু ব্যৱস্থা গ্ৰহণ কৰিবলগীয়া হয় । কিন্তু স্মাৰ্টফোনৰ যুগত বহুলোকে টোপনি ক্ষেত্ৰত সঠিক গুৰুত্ব প্ৰদান কৰাটো দেখিবলৈ পোৱা নাযায় ৷ বিশেষকৈ নৱপ্ৰজন্মৰ বহু ল’ৰা-ছোৱালীয়ে স্মাৰ্টফোনত ব্যস্ত থকাৰ বাবে নিজৰ স্বাস্থ্যৰ প্ৰতি সঠিক গুৰুত্ব প্ৰদান কৰিব নোৱাৰে যাৰ ফলত অনিদ্ৰাৰ সমস্যাৰ হৈছে অন্যতম ৷
টোপনিৰ সমস্যাৰ পৰা পৰিত্ৰাণৰ উপায় জানো আহক
১) বৰ্তমান সময়চোৱা স্মাৰ্টফোন মানুহৰ জীৱনৰ এক অপৰিহাৰ্য অংগ হৈ পৰিছে । কিন্তু ৰাতি শোৱাৰ সময়ছোৱাত মোবাইল ফোন ব্যৱহাৰৰ কৰিব নালাগে কাৰণ স্ক্ৰীনৰ পোহৰে টোপনিৰ ওপৰত প্ৰভাৱ পেলায় ৷
২) আপোনাৰ যদি ৰাতি শোৱাৰ সময়ত টোপনি নাহে তেনে ব্যক্তিয়ে দিনত শুব নালাগে এনে কৰিলে আপোনাৰ শৰীৰে যথেষ্ট দুৰ্বল অনুভৱ কৰে ।
৩) অনিদ্ৰাৰ সমস্যা বা টোপনিৰ সমস্যা থকা লোকসকলে টোপনি নাহিলেও গা বেয়া লগা বা মোবাইল চাবলৈ আদি কামত যেতিয়াই তেতিয়াই বিচনাত শুই পৰিব নালাগে ।
৪) ৰাতি শোৱাৰ সময়তহে বিচনাখন ব্যৱহাৰৰ কৰিব লাগে ।
৫) নিশাৰ আহাৰ গ্ৰহণ কৰা লগে লগে বিচনালৈ যাব নালাগে এনে কৰিলে আপোনাৰ হজম শক্তিত ব্যাঘাত জন্মে ৷ নিশ্চিত কৰিব যে শোৱাৰ 3-4 ঘন্টা পূৰ্বে আপুনি আপোনাৰ আহাৰ গ্ৰহণ কৰে ৷
৬) নিশাৰ আহাৰ গ্ৰহণ কৰাৰ পিছত কিতাপ বা বাতৰি কাকত পঢ়াৰ অভ্যাস গঢ়ি তুলিব লাগে । কিন্তু যি কিতাপ পঢ়ি আপোনাৰ পঢ়াৰ আৰু আগ্ৰহ বাঢ়ে তেনে কিতাপ শোৱাৰ সময়ত পঢ়িব নালাগে ।
৭) টোপনিৰ সমস্যা থকা লোকসকলে এইটো কেতিয়াও মনত ভাবি ল’ব নালাগে যে ৰাতি টোপনি আহিব নে নাই ।
৮) মনৰ দুচিন্তা আঁতৰাই যোগাত্মক মনোভাবেৰে দিনটো পাৰ কৰাৰ চেষ্টা কৰিব লাগে ।
শ্লীপিং টেবলেট ব্যৱহাৰ কৰাটো কিমান উচিত
টোপনিৰ সমস্যাত ভোগালোক সকলৰ বহুতে টোপনি আহিবলৈ শ্লীপিং টেবলেট ব্যৱহাৰ কৰে । চিকিৎসকৰ মতে, পৰাপক্ষত শ্লীপিং টেবলেট ব্যৱহাৰ নকৰি নিজেই টোপনি অহাৰ চেষ্টা কৰিব লাগে । ভাল টোপনি আহিবলৈ শ্লীপিং টেবলেটৰ সলনি যোগাসন কৰিব পাৰে । যোগাসনেও টোপনিৰ সমস্যাৰ পৰা পৰিত্ৰাণ পোৱাত বহুপৰিমানে সহায় কৰে ।
লগতে পঢ়ক: National Heart Transplantation Day 2023: হাৰ্ট ট্ৰান্সপ্লাণ্ট কি ? ভাৰতত প্ৰথমে কেনেকৈ কৰা হৈছিল হাৰ্ট ট্ৰান্সপ্লাণ্ট
