বৰ্তমানৰ অস্বাস্থ্যকৰ জীৱনশৈলীৰ বাবে বহুলোকেই বিভিন্ন ৰোগত ভুগিবলৈ আৰম্ভ কৰিছে ৷ আটাইতকৈ বেছি সেইসকল লোক যিয়ে ঘণ্টাৰ পিছত ঘণ্টা ধৰি লেপটপ, কম্পিউটাৰৰ সন্মুখত বহি অফিচত অবিৰতভাৱে কাম কৰে ৷ এনে পৰিস্থিতিত এইসকল লোকে আটাইতকৈ বেছি কঁকালৰ বিষত ভুগিছে ৷ যদি আপুনিও এই বিষত দীৰ্ঘদিন ধৰি ভুগি আছে, তেন্তে ইয়াক আওকাণ কৰাটো উচিত নহয়, বৰঞ্চ ইয়াৰ বিষয়ে সজাগ হোৱাটোহে প্ৰয়োজন ৷ কাৰণ এই কঁকালৰ বিষে কেতিয়া আপোনাৰ শৰীৰত এটা গুৰুতৰ ৰোগৰ সৃষ্টি কৰিব আপুনি কেতিয়াও উমানেই নাপাব ৷
উল্লেখ্য যে, সামান্য যেন লগা এই কঁকালৰ বিষ আপোনাৰ বাবে মাৰাত্মক হ’ব পাৰে ৷ দৰাচলতে ঘৰৰ কামত ব্যস্ত থকাৰ বাবে গৃহিণীসকলেও এই যন্ত্ৰণাক আওকাণ কৰে ৷ বেছিভাগ মানুহেই ভাবে যে তেওঁলোকৰ বহা, উঠা, শোৱাৰ ভুল পদ্ধতিৰ বাবেই এনেকুৱা হয় ৷ অৱশ্যে এই বিষো নিজাববীয়াকৈ আৰোগ্য হয় ৷ কিন্তু আজি আমি আপোনালোকক ক'বলৈ ওলাইছো যে এই বিষ আপোনাৰ বাবে কিমান বিপদজনক হ'ব পাৰে আৰু ভৱিষ্যতে ই গুৰুতৰ ৰূপো ধাৰণ কৰিব পাৰে ৷ সেয়েহে ইয়াৰ সময়মতে চিকিৎসা কৰাটো প্ৰয়োজনীয় ৷ তেন্তে আহক জানো আপোনাৰ কঁকালৰ তলৰ অংশত বিষ হ’লে কোনবোৰ গুৰুতৰ ৰোগে দেখা দিব পাৰে ৷
১/ বাতবিষৰ সমস্যা
যদি আপোনাৰ কঁকালৰ তলৰ অংশত বিষ হয় তেন্তে সেয়া বাতবিষো হ’ব পাৰে ৷ দৰাচলতে বাতবিষৰ বাবে মানুহৰ মেৰুদণ্ড ক্ৰমান্বয়ে সংকুচিত হ’বলৈ আৰম্ভ কৰে ৷ যাক স্পাইনেল ষ্টেনোচিছ বুলিও কোৱা হয় ৷ এই বিষে আপোনাক যথেষ্ট আমনি কৰিব পাৰে আৰু কষ্টদায়কো হ’ব পাৰে ৷ বহু সময়ত এই বিষৰ বাবে আপুনি সঠিকভাৱে কাম কৰিব নোৱাৰে ৷ এনে পৰিস্থিতিত এই যন্ত্ৰণাক আওকাণ কৰাটো উচিত নহয় ৷
২/ ডিস্কৰ সমস্যা
আমাৰ ডিস্কে মেৰুদণ্ডৰ হাড়ৰ মাজত শৰীৰক ভাৰসাম্য ৰক্ষা কৰে ৷ ইয়াত যিকোনো অশান্তিৰ বাবে আপুনি কঁকালৰ তীব্ৰ বিষত ভুগিব পাৰে ৷ উল্লেখ্য যে যেতিয়া আমাৰ শৰীৰৰ ডিস্কৰ ভিতৰৰ কাৰ্টিলেজ ওপৰলৈ আহিবলৈ আৰম্ভ কৰে, তেতিয়া এনে পৰিস্থিতিত ই ভাঙি যোৱাৰ ভয় থাকে ৷ যাৰ বাবে স্নায়ুৰ ওপৰত বহুত হেঁচা পৰে ৷ এই কাৰণে আমি ডিস্ক ফাটি যোৱাৰ ফলত কঁকালৰ বিষত ভোগো ৷ এনে পৰিস্থিতিত চিকিৎসকৰ পৰামৰ্শৰ অতি প্ৰয়োজন ৷
লগতে পঢ়ক: Headache: মূৰৰ বিষে আপোনাক আমনি কৰিছে নেকি ? তেন্তে কৰক এই কাম
