পানী, বতাহ বা ধূলিৰ বাবে কাণত মলি জমা হ’বলৈ ধৰে । ইয়াক Earwax বোলা হয় । বহুতে ইয়াক পৰিষ্কাৰ কৰিবলৈ Cotton Buds ব্যৱহাৰ কৰে । Cotton Buds ব্যৱহাৰৰ ধাৰা চহৰ অঞ্চলত বেছি । কিন্তু এইবোৰেৰে কাণ দুখন চাফা কৰাটো ঠিকেই আছেনে? সঁচাকৈয়ে তেওঁলোকৰ ব্যৱহাৰে কাণ পৰিষ্কাৰ কৰে নে ক্ষতি কৰিব পাৰে ? আজি ETV Bharat Sukhibhava Health Tipsত আমি এই বিষয়ে বিতংভাৱে জনাম ।
চিকিৎসকে কয় যে, কাণ পৰিষ্কাৰ কৰিবলৈ Cotton Buds ব্যৱহাৰ কৰাটো উচিত নহয় । Cotton Buds কাণৰ ভিতৰত সোমোৱালে মলি উলিয়াই দিয়াৰ পৰিৱৰ্তে ভিতৰলৈও ঠেলি দিব পাৰে । যাৰ বাবে কাণত সংক্ৰমণৰ আশংকা থাকে । এইবোৰৰ ফলত কাণ কাটিব পাৰে । Cotton Budsএ কাণৰ ভিতৰৰ আৱৰণৰো ক্ষতি কৰিব পাৰে । ইয়াৰ ফলত শুনা ক্ষমতাত প্ৰভাৱ পৰিব পাৰে । কাণত ফোহা ওলাব পাৰে ।
কাণৰ নলীত মলি সোমাই যায়
চিকিৎসকে বুজাইছে যে, কাণত Earwax গঠন হোৱাৰ এটা প্ৰক্ৰিয়া আছে । এই Earwaxএ কাণকো সুৰক্ষা দিয়ে, কিন্তু যদি ই অতিৰিক্তভাৱে তৈয়াৰ কৰা হয়, তেন্তে ই ক্ষতিও কৰিবলৈ আৰম্ভ কৰে । মানুহে Cotton Budsৰে কাণ পৰিষ্কাৰ কৰে, কিন্তু চাফা কৰাৰ সময়ত ভিতৰৰ মলি কাণৰ নলীলৈ সোমাই যাব পাৰে । এই মলিৰ লগতে কাণত বিপজ্জনক বেক্টেৰিয়া প্ৰৱেশৰ আশংকাও থাকে ।
এই বেক্টেৰিয়াই কাণৰ পৰ্দাকো ক্ষতি কৰিব পাৰে । যেতিয়া মলি বা কোনো বেক্টেৰিয়া কাণৰ ভিতৰলৈ যায় তেতিয়া একেবাৰেই জনা নাযায় । কিছুমান ক্ষেত্ৰত খজুৱতি হয়, কিন্তু মানুহে ইয়াৰ প্ৰতি গুৰুত্ব নিদিয়ে । এনে অৱস্থাত মলি বাঢ়ি গৈ থাকে যাৰ ফলত কাণত বহুতো গুৰুতৰ ৰোগ হ’ব পাৰে । এনে অৱস্থাত Cotton Buds ব্যৱহাৰ নকৰিব । বিশেষকৈ শিশু আৰু বৃদ্ধৰ ক্ষেত্ৰত এয়া ব্যৱহাৰ নকৰাই ভাল ।
কাণৰ পৰা মলি নিজেই ওলাই আহে
আমাৰ শৰীৰত নিজকে পৰিষ্কাৰ কৰাৰ এক স্বয়ং প্ৰক্ৰিয়া আছে । ইয়াৰ ভিতৰত আমাৰ কাণ দুখনেও নিজে পৰিষ্কাৰ কৰাৰ কাম কৰে । আপুনি নিশ্চয় দেখিছে যে কেতিয়াবা কাণৰ পৰা মলি ওলাবলৈ আৰম্ভ কৰে আৰু ভিতৰত থকা মলি বাহিৰলৈ ওলাই পৰে । এনে পৰিস্থিতিত প্ৰতিদিনে কাণ পৰিষ্কাৰ কৰাটো প্ৰয়োজনীয় নহয় ।
কাণ কেনেকৈ চাফা কৰিব লাগে
কাণ পৰিষ্কাৰ কৰাৰ আটাইতকৈ উত্তম উপায় হ’ল তাত তেল লগোৱা । নাৰিকলৰ তেল আৰু বেবী অইল উত্তম । কাণত তেল লগালে ভিতৰৰ মলি ওলাই আহে । যাৰ পৰা কাপোৰৰ সহায়ত সহজে আঁতৰাই পেলাব পাৰি ।
ইয়াৰ বাহিৰেও গা ধুওঁতে কাণ দুখন পৰিষ্কাৰ কৰিব লাগে । কাৰণ গা ধুওঁতে কাণত অলপ পানী ৰৈ যায় । যিয়ে ধূলিৰ কণিকাৰ লগত মিহলি কৰি মলি তৈয়াৰ কৰে । এনে পৰিস্থিতিত গা ধুওঁতে কাণ দুখন চাফা কৰাটো প্ৰয়োজনীয় ।
লগতে পঢ়ক: Haircare Tips: পিঁয়াজৰ ৰস চুলিৰ গুৰিত লগালে কিবা ক্ষতি হয় নেকি ? জানি লওক কিদৰে প্ৰয়োগ কৰিব
