ডায়েবেটিছ ৰোগীয়ে ৰক্তশৰ্কৰাৰ মাত্ৰা স্বাভাৱিক কৰি ৰাখিবলৈ সঠিক আহাৰ গ্ৰহণ কৰিবলৈ পৰামৰ্শ দিয়া হয় ৷ কিন্তু এনে খাদ্যাভ্যাস পালন কৰাটো অতি কঠিন কাম ৷ ইণ্ডিয়ান কাউন্সিল অৱ মেডিকেল ৰিচাৰ্চ আৰু মাদ্ৰাজ ডায়েবেটিছ ৰিচাৰ্চ ফাউণ্ডেচনে শেহতীয়াকৈ ডায়েবেটিছ সম্পৰ্কে এক গৱেষণা প্ৰকাশ কৰিছে ৷
ইয়াৰ মতে, ভাৰতত প্ৰায় ১০১ মিলিয়ন অৰ্থাৎ ১০ কোটি লোক ডায়েবেটিছ ৰোগত আক্ৰান্ত ৷ ইয়াৰ বাহিৰেও ১৩.৬ কোটি লোকৰ মাজত প্ৰিডায়েবেটিছৰ লক্ষণ দেখা যায় ৷ এই কাৰণতে এই ৰোগীক তেওঁলোকৰ খাদ্যাভ্যাসৰ প্ৰতি বিশেষ গুৰুত্ব দিবলৈও কোৱা হৈছে ৷
ডায়েবেটিছত মেটাবলিক ডিছঅৰ্ডাৰত ভুগি থকা লোকসকলে পুষ্টিকৰ উপাদানৰে সমৃদ্ধ সুষম খাদ্য গ্ৰহণ কৰিব লাগে ৷ সেইবাবে খাদ্যত কাৰ্ব অন্তৰ্ভুক্ত কৰাটো গুৰুত্বপূৰ্ণ ৷ সেয়ে এই প্ৰতিবেদনত আমি এনে ৫বিধ কাৰ্বহাইড্ৰেটযুক্ত খাদ্যৰ বিষয়ে ক’বলৈ ওলাইঠো যিবোৰক ডায়েবেটিছ ৰোগীয়ে খাদ্যৰ অংশ হিচাপে গঢ়ি তুলিব লাগে ৷
- খাদ্যত কাৰ্ব
দেখা গৈছে যে বেছিভাগ ডায়েবেটিছ ৰোগীয়ে কাৰ্বহাইড্ৰেট সেৱন কৰিব নাজানে ৷ যদি কাৰ্ব কম হয় তেন্তে পানীলগা হোৱাৰ সম্ভাৱনাও বৃদ্ধি পাব পাৰে ৷ এনে পৰিস্থিতিত শৰীৰৰ ভিতৰত ইলেক্ট্ৰলাইটৰ ভাৰসাম্যহীনতাৰ সমস্যা হ’বলৈ আৰম্ভ কৰে ৷ চেনি ৰোগীয়ে প্ৰতিটো আহাৰত ৪০-৫০ গ্ৰাম কাৰ্ব অন্তৰ্ভুক্ত কৰিব পাৰে ৷
- কুইনোয়া
এইবিধ শস্য য’ত প্ৰটিনৰ উপৰিও আঁহ, ফ’লেট, আইৰণ, মেগনেছিয়াম, এন্টিঅক্সিডেন্ট জিংক আদি বহুতো গুৰুত্বপূৰ্ণ পুষ্টিকৰ উপাদান থাকে ৷ কুইনোয়া প্ৰাকৃতিকভাৱে মিঠা আৰু সুস্বাদু ৷ ইয়াক সেৱন কৰিলে শৰীৰত শক্তি বজাই ৰাখে আৰু স্বাস্থ্যৰ বাবে বহু উপকাৰ পোৱা যায় ৷
- মিঠা আলু
মিঠা আলুত আঁহ আৰু ভিটামিন থাকে আৰু ই হজম শক্তি উন্নত কৰিব পাৰে ৷ লগতে মিঠা আলুয়ে আপোনাৰ তেজৰ চেনি নিয়ন্ত্ৰণ আৰু ওজন হ্ৰাস কৰাত সহায় কৰে ৷ স্বাস্থ্যকৰ কাৰ্বৰ বাবে মিঠা আলু এটা উত্তম বিকল্প ৷
- বীন
যদি আপোনাৰ চেনি থাকে তেন্তে আপুনি বীনৰ পৰা কাৰ্বহাইড্ৰেট পাব পাৰে ৷ দালি আৰু বুটৰ দ্বাৰা প্ৰ’টিন আৰু কাৰ্ব লাভ কৰিব পাৰে ৷ মাহজাতীয় শস্যই আপোনাক দীৰ্ঘসময়লৈকে শক্তি প্ৰদান কৰে আৰু লগতে আপোনাৰ ৰক্তশৰ্কৰা নিয়ন্ত্ৰণত ৰাখে ৷
- মাল্টিগ্ৰেইন পাস্তা
অস্বাস্থ্যকৰ খাদ্যৰ তালিকাত অন্তৰ্ভুক্ত হৈছে পাস্তা ৷ কিন্তু তথাপিও মানুহে ইয়াক উপভোগ কৰিবলৈ কোণ্ঠাবোধ নকৰে ৷ অৱশ্যে কাৰ্বৰ বাবেও আপুনি মৈদাৰে তৈয়াৰী অস্বাস্থ্যকৰ পাস্তা খোৱাৰ পৰিৱৰ্তে মাল্টিগ্ৰেইন পাস্তা খাব পাৰে ৷
- বেৰী
স্বাভাৱিকতে এই ফলবিধ সোৱাদত মিঠা চকলেটৰ দৰে, যি এন্টিঅক্সিডেন্ট আৰু ফাইবাৰেৰে ভৰপূৰ ৷ ইয়াক দৈত মিহলাইও খাব পাৰে বা আপুনি গোটাকৈও বেৰীক উপভোগ কৰিব পাৰে ৷
লগতে পঢ়ক: World Arthritis Day 2023: কিয় বৃদ্ধি পাইছে অষ্টিঅ’আৰ্থৰাইটিছৰ আশংকা; ইয়াক কেনেকৈ কৰিব প্ৰতিৰোধ ?
