ভাৰতত ক’ভিড-১৯ৰ পঞ্চম ঢৌৱে লগত লৈ আহিছে JN1 নামৰ এটি নতুন ভেৰিয়েন্ট ৷ যিটো সমগ্ৰ দেশতে দ্ৰুতগতিত বিয়পি পৰিছে ৷ কেন্দ্ৰীয় স্বাস্থ্য মন্ত্ৰণালয়ৰ তথ্য অনুসৰি ভাৰতৰ ১২খন ৰাজ্যত JN1 ভেৰিয়েণ্টৰ ফলত হোৱা ক’ভিড আক্ৰান্তৰ সংখ্যা ৬৮২ টা ধৰা পৰিছে ৷ ইয়াৰে কৰ্ণাটকৰ পৰা ১৯৯ জন, কেৰালাৰ ১৪৮ জন, মহাৰাষ্ট্ৰ আৰু গোৱা, গুজৰাট, অন্ধ্ৰপ্ৰদেশ, ৰাজস্থান, তামিলনাডু, দিল্লী, ওড়িশা, তেলেংগানা আৰু হাৰিয়ানাৰ ১৩৯ জন আক্ৰান্ত হৈছে ৷
বিশ্ব স্বাস্থ্য সংস্থাই (WHO) কৰ’ণাৰ এই নতুন উপ-ভেৰিয়েণ্টটোক Variant of Interest হিচাপে ঘোষণা কৰিছে ৷ ইয়াক Coronaৰ অন্যান্য ভেৰিয়েন্টতকৈ অধিক সংক্ৰামক বুলি ধৰা হয় ৷
বিশেষজ্ঞসকলৰ মতে, এই ভেৰিয়েন্ট যিমান বেগেৰে বিয়পি পৰিছে তাৰ বাবে বৃদ্ধ আৰু শিশুসকল এই ভেৰিয়েন্টৰ পৰা অধিক বিপদত পৰিছে ৷ শিশুৰ দেহত দেখা পোৱা ক’ভিডৰ লক্ষণ আৰু প্ৰতিৰোধৰ ব্যৱস্থাসমূহ জানো আহক-
ক’ভিড ৰোগীৰ ক্ষেত্ৰত দেখা পোৱা লক্ষণসমূহৰ ভিতৰত-
- শ্বাস-প্ৰশ্বাসত অসুবিধা
- ভাগৰ
- শৰীৰৰ বিষ
- মূৰৰ বিষ
- ডিঙি বিষ
- নাক বন্ধ বা বৈ যোৱা
- ভোক কমি যোৱা
- ডায়েৰিয়া
- ধাৰাবাহিক কাঁহ
- গোন্ধ বা ৰুচি হেৰুওৱা
কিন্তু মন কৰিবলগীয়া যে এই লক্ষণসমূহ ব্যক্তিভেদে বেলেগ বেলেগ হ’ব পাৰে ৷
COVID-19 JN1 ভেৰিয়েন্টৰ পৰা কেনেকৈ সুৰক্ষিত থাকিব ?
Covid JN1ৰ ক্ৰমবৰ্ধমান ৰোগীৰ পৰিপ্ৰেক্ষিতত নিজৰ লগতে আনৰ সুৰক্ষাক অগ্ৰাধিকাৰ দিয়াটো গুৰুত্বপূৰ্ণ ৷ তলত দিয়া ব্যৱস্থাসমূহ পালন কৰিলে সংক্ৰমণৰ সম্ভাৱনা বহু পৰিমাণে হ্ৰাস কৰিব পাৰি :
- শিশুক টিকাকৰণ কৰা-
ভেকচিন গুৰুতৰ ৰোগ প্ৰতিৰোধ আৰু Covid সংক্ৰমণ হ্ৰাস কৰাত ফলপ্ৰসূ বুলি প্ৰমাণিত হৈছে ৷ এনে পৰিস্থিতিত শিশুক টিকাকৰণ কৰাটো প্ৰয়োজনীয় ৷
- পৰিষ্কাৰ-পৰিচ্ছন্নতা-
নিয়মিতভাৱে চাবোন আৰু পানীৰে কমেও ২০ ছেকেণ্ডৰ বাবে হাত ধুলে, বা কমেও ৬০% এলক’হলযুক্ত হেণ্ড চেনিটাইজাৰ ব্যৱহাৰ কৰিলে হাতৰ পৰা ভাইৰাছ আঁতৰোৱাত সহায় হয় আৰু সংক্ৰমণৰ সম্ভাৱনা কম হয় ৷
- মাস্ক পৰিধান কৰক-
বিশেষকৈ জনবহুল ৰাজহুৱা স্থানত মাস্ক পৰিধান কৰিলে শ্বাস-প্ৰশ্বাসৰ দ্বাৰা ভাইৰাছৰ প্ৰৱেশ ৰোধ কৰাৰ লগতে সংক্ৰমণৰ আশংকা হ্ৰাস পায় ৷
- সামাজিক দূৰত্ব বজাই ৰাখক-
বিশেষকৈ বন্ধ ঠাইত আনৰ পৰা কমেও ছয় ফুট দূৰত্ব বজাই ৰাখিলে ভাইৰাছত আক্ৰান্ত হোৱাৰ সম্ভাৱনা কমি যায় ৷
- ভিৰ থকা ঠাই আৰু কম বায়ু চলাচল কৰা ঠাই পৰিহাৰ কৰক-
ভিৰ কৰা ঠাইৰ পৰা আঁতৰি থাকি ঘৰৰ ভিতৰৰ ঠাইত সঠিক বায়ু চলাচল নিশ্চিত কৰিলে সংক্ৰমণৰ সম্ভাৱনা হ্ৰাস কৰাত সহায় কৰে ৷
- কাঁহ বা হাঁচিৰ সময়ত মুখত ৰুমাল ৰাখক
কাঁহ বা হাঁচিৰ সময়ত মুখ আৰু নাক টিচু বা ৰুমালেৰে ঢাকি ৰাখিলে ভাইৰাছ আনলৈ বিয়পাটো ৰোধ কৰিব পৰা যায় ৷
