আজিৰ অস্বাস্থ্যকৰ জীৱনশৈলীৰ বাবে মানুহে বিভিন্ন ৰোগত ভুগিবলগীয়া হয় ৷ লগতে ব্যস্ততাৰ বাবে নিজকে সময় দিয়াৰ পৰা বঞ্চিত হয় ৷ যাৰ বাবে বহু সমস্যাৰ সন্মুখীন হ’বলগীয়া হয় ৷ বিশেষকৈ আজিৰ সময়ত বেছিভাগ মানুহেই ডেস্কৰ কামত আৰু কম্পিউটাৰৰ স্ক্ৰীণৰ আগত বহু সময় কাম কৰি থাকে ৷ যাৰ বাবে বহুতো শাৰীৰিক সমস্যা বাঢ়ি যায় ৷ ইয়াৰ উপৰিও মানসিক ৰোগৰ সম্ভাৱনাও বৃদ্ধি পায় ৷
যোগাসন একমাত্ৰ সমাধান যাৰ সহায়ত আপুনি এই সকলোবোৰ সমস্যাৰ পৰা হাত সাৰিব পাৰিব ৷ যদিও মন আৰু শৰীৰ সুস্থ কৰি ৰখাৰ বাবে অতীজৰে পৰা যোগাসন চিৰ পৰিচিত কিন্তু সকলো যোগৰ ভিতৰত সূৰ্য নমস্কাৰ এনেকুৱা এটা যোগ, যাৰ অনুশীলন কৰিলে আপুনি সুস্থ হৈ থাকিব পাৰে ৷
দৈনিক মাত্ৰ ১০ মিনিটৰ বাবে যোগাসন কৰিলে আপুনি যথেষ্ট উপকাৰিতা লাভ কৰিব ৷ অৱশ্যে এই যোগাসন কেৱল ৰাতিপুৱা সূৰ্য উদয়ৰ সময়তহে কৰিব লাগে ৷ লগতে এই কামটো কেৱল খালী পেটতহে কৰাটো উচিত ৷ এই যোগাসনৰ উপকাৰিতাৰ বিষয়ে জানো আহক....
১/ হাওঁফাওঁৰ বাবে উপকাৰী
ৰাতিপুৱা যেতিয়া আপুনি সূৰ্য নমস্কাৰ কৰি আছে তেতিয়া আপোনাৰ উশাহ-নিশাহৰ প্ৰতি বিশেষ গুৰুত্ব দিয়ক ৷ সূৰ্য নমস্কাৰ কৰি থাকোঁতে দীঘলীয়া উশাহ এটা লৈ লাহে লাহে উশাহ এৰিব ৷ এইদৰে এই যোগাসনৰ অভ্যাস কৰিলে আপোনাৰ হাওঁফাওঁ শক্তিশালী হ’ব ৷ ইয়াৰ লগতে হাওঁফাওঁৰ ক্ষমতাও বৃদ্ধি পাব ৷
২/ মন শান্ত হৈ থাকে
মানসিক চাপৰ পৰা সকাহ পাবলৈ দৈনিক সূৰ্য নমস্কাৰৰ অভ্যাস কৰক ৷ ইয়াৰ ফলত আপোনাৰ মনটো শিথিল হয় ৷ ঘৰ আৰু অফিচৰ কামৰ চাপৰ পৰা পৰিত্ৰাণ পাবলৈ সূৰ্য নমস্কাৰ এক উপযোগী যোগ ৷ ইয়াৰ ফলত মানসিক চাপো যথেষ্ট হ্ৰাস পায় ৷ কেৱল এয়াই নহয়, অনিদ্ৰাৰ সমস্যাৰ পৰাও এই যোগাসনে সকাহ দিয়ে ৷ মনক শান্ত কৰাৰ উপৰিও এই যোগে আপোনাৰ মনোযোগৰ শক্তিও বৃদ্ধি কৰে ৷
৩/ হৃদযন্ত্ৰৰ স্বাস্থ্য ভাল
প্ৰতিদিনে পুৱা সূৰ্য নমস্কাৰ অভ্যাস কৰিলে হৃদযন্ত্ৰৰ স্বাস্থ্য উন্নত হয় ৷ ইয়াৰ লগতে হৃদযন্ত্ৰৰ সকলো ৰোগো দূৰ হ’ব ৷ সূৰ্য নমস্কাৰৰ কৰাৰ লগে লগে ৰক্ত সঞ্চালনো বৃদ্ধি পায় ৷ ইয়াৰ উপৰিও আপোনাৰ হৃদযন্ত্ৰৰ পেশীবোৰো শক্তিশালী হৈ উঠে ৷
