ডিফু, 18 জুলাইঃ ডিফুত অনুষ্ঠিত উত্তৰ-পূৰ্বাঞ্চলৰ 19 বছৰ অনুৰ্দ্ধ ছোৱালী ফুটবল প্ৰতিযোগিতা ৷ প্ৰতিযোগিতাত উদ্ধোধনী খেলত ছিকিম একাদশে ত্ৰিপুৰা একাদশক ২-১ গ'লৰ ব্যৱধানত পৰাজিত কৰে ৷ অসম ৰাইফলছৰ মুখ্য কাৰ্যালয়ৰ সঞ্চালক প্ৰধানে ডিফুৰ নৱনিৰ্মিত কাছা স্পৰ্টচ কমপ্লেক্সত আয়োজন কৰা নক্ আউট পৰ্যায়ৰ তীব্ৰ প্ৰতিদ্ধন্ধিতা মূলক খেলত ছিকিম একাদশৰ হাতত ত্ৰিপুৰা একাদশ 2-1 গ'লত পৰাজয় বৰণ কৰে ৷ প্ৰথমাৰ্ধৰ 4 মিনিট লক্ষ্মী থাতালে ত্ৰিপুৰাৰ গ'ল ৰক্ষকক পৰাভূত কৰি 1 গ'ল দি দলক 1-0 ৰ অগ্ৰগতি প্ৰদান কৰে ৷ ইয়াৰ পিছত ত্ৰিপুৰা একাদশে সমতা স্থাপন কৰিব নোৱাৰিলে যদিও দ্বিতীয়াৰ্ধৰ খেল সমাপ্তি হ'বলৈ কিছুপূৰ্বে 44 মিনিট ছিকিম এক গ' ল দি সমতা স্থাপন কৰে ৷ ইয়াৰ ক্ষন্তেক পাচতে প্ৰতিযোগিতাৰ অতিৰিক্ত সময়ৰ 2 ছেকেণ্ডত ছিকিম একাদশৰ কৰিশ্মা ৰয়ে ত্ৰিপুৰা একাদশক দ্বিতীয়টো গ' ল দি জয়লাভ কৰে ৷
খেলখন পৰিচালনা কৰে ডকমকাৰ বল'ন টকবিপীয়ে ৷ লগতে তেওঁক সহায় কৰে লাংহিনৰ টিনা বসুমতাৰী আৰু হানজাংলাংছৰ লক্ষী কিলিংপীয়ে ৷ চতুৰ্থ ৰেফাৰীৰ দায়িত্ব পালন কৰে হামৰেণৰ ভেৰ'ণিকা টিচ'পীয়ে ৷ শুকুৰবাৰে অনুশষ্ঠিত হ'বলগীয়া প্ৰতিযোগিতা বাকী থকা খেল সমূহত পুৱাৰ পৰাই নক পৰ্যায়ত খেলোৱা হ'ব ৷ আনহাতে, প্ৰতিযোগিতাখনত উত্তৰ-পূৰ্বাঞ্চল ৰাজ্যৰ অসম, ত্ৰিপুৰা ,মণিপুৰ, নাগালেণ্ড, মেঘালয়, অৰুণাচল মিজোৰাম আৰু ছিকিমে অংশ গ্ৰহণ কৰিছে ৷ প্ৰতিযোগিতাৰ ছেমিফাইনেল ক'হিমাত খেলোৱা হ'ব ৷ আনহাতে বৰ্ণাঢ্য কাৰ্যসূচীলৈ আয়োজন কৰা উদ্বোধনী প্ৰতিযোগিতা খনত মুখ্য অতিথি হিচাপে উপস্থিত থাকে অসম ৰাইফলছৰ মেজৰ জেনেৰেল পিচি নায়াৰ ৷ উদ্ধোধনী প্ৰতিযোগিতা খনত কাৰবি কালচাৰেল ট্ৰুপ আৰু মনোমোহা নৃত্য আৰু আসম ৰাইফলৰ মিউজিকেল বেণ্ডে উপস্থিত দৰ্শকক আপ্লুত কৰে ৷
