ওদালগুৰি, ৯ জুনঃ মঙলবাৰে COVID-19 ত আক্ৰান্ত হৈ ওদালগুৰি অসামৰিক চিকিৎসালয়ত চিকিৎসাধীন হৈ থকা ২২ জনকৈ ৰোগী সম্পূৰ্ণ সুস্থ হৈ উঠিছে । এই বিষয়ে সদৰী কৰে স্বাস্থ্য বিভাগ কৰ্তৃপক্ষই । আক্ৰান্ত আটাইকেইগৰাকী লোক বহিঃৰাজ্যৰ পৰা আহি ওদালগুৰি জিলাৰ ভিন্ন কোৱাৰেণ্টাইন কেন্দ্ৰত থকা সময়তে তেওঁলোকৰ দেহত ধৰা পৰিছিল COVID-19ৰ অৱস্থিতি ।
ওদালগুৰি অসামৰিক চিকিৎসালয়ত চিকিৎসাধীন হৈ থকা লোক কেইজনৰ শেহতীয়াকৈ কৰা দুটা COVID-19 পৰীক্ষাতে ফলাফল নিগেটিভ অহাত মঙলবাৰে চিকিৎসালয়ৰ পৰা অব্যাহতি দিয়া হয় । COVID-19 মুক্ত হোৱা লোক কেইগৰাকীয়ে কি কি নীতি নিৰ্দেশনা মানি চলিব লাগিব সেই বিষয়েও চিকিৎসক সকলে নিৰ্দেশ প্ৰদান কৰে । ওদালগুৰি জিলাত ২৪ জনলৈ বৃদ্ধি পালে আৰোগ্য হোৱা লোকৰ সংখ্যা । বৰ্তমানেও ওদালগুৰি অসামৰিক চিকিৎসালয়ত চিকিৎসাধীন হৈ আছে ৪৩ গৰাকীকৈ কৰ'ণা আক্ৰান্ত ৰোগী ।
লগতে চাওকঃ বাঘজানলৈ অগ্নিনিৰ্বাপক বাহিনীৰ বাহন প্ৰেৰণ ভাৰতীয় বায়ু সেনাৰ
