ওদালগুৰি,18 জুনঃ ওদালগুৰিৰ গেলাবিলত পথ দুৰ্ঘটনা ৷ সোমবাৰে নিশা ৮ মান বজাত ওদালগুৰি জিলাৰ মাজেৰে যোৱা ১৫ নং ৰাষ্ট্ৰীয় ঘাইপথৰ গেলাবিলত সংঘটিত হয় এই শোকাৱহ পথ দুৰ্ঘটনা ৷ ৰাষ্ট্ৰীয় ঘাইপথেৰে মঙলদৈ অভিমুখে আহি থকা AS-16AC-0803 নম্বৰৰ তীব্ৰ বেগী ডাম্পাৰৰ খুণ্ডাত মৃত্যু হয় জোনালী বৈশ্য নামৰ এগৰাকী যুৱতীৰ ।
ওদালগুৰিৰ গেলাবিলত পথ দুৰ্ঘটনা
দুৰ্ঘটনাৰ ফলত পুখুৰীত পৰি যায় ডাম্পাৰখন । ডাম্পাৰ খনে মহতিয়াই নিয়াত পুখুৰীত পৰি যায় যুৱতীগৰাকী । কিছু সময়ৰ পিছত যুৱতীগৰাকী পুখুৰীত পৰি থকা খবৰ পাই স্থানীয় ৰাইজে ডাম্পাৰখনৰ তলৰ পৰা উদ্ধাৰ কৰে যুৱতীগৰাকীক । ওৰাং প্ৰাথমিক স্বাস্থ্য কেন্দ্ৰলৈ যুৱতী গৰাকীকলৈ যোৱা হয় যদিও চিকিৎসকে মৃত বুলি ঘোষণা কৰে যুৱতী গৰাকীক ।
