ওৰাং,11 নৱেম্বৰ : সোমবাৰে পুৱতি নিশা প্ৰায় 2.30 মান বজাত ওৰাঙৰ সুনীল দাসৰ "দাস মিঠাই" নামৰ প্ৰতিষ্ঠানটোৰ কাৰাখানাত এক ভয়াৱহ অগ্নিকাণ্ডৰ ঘটনা সংঘটিত হয় । যাৰ ফলত জাহ যায় প্ৰতিষ্ঠানটোৰ কাৰখানা সহ চাৰিটাকৈ বাসগৃহ । ঘটনা সন্দৰ্ভত পৰিয়ালৰ লোকে নিজৰ লগতে কাৰখানা ৰক্ষাৰ চেষ্টা কৰে যদিও জুইয়ে আৱৰি ধৰে সমগ্ৰ অঞ্চল । অগ্নি নিৰ্বাপক বাহিনীয়ে অগ্নি নিৰ্বাপন কৰিবলৈ সক্ষম হয় যদিও জুইয়ে ধ্বংসস্তূপত পৰিণত কৰে পৰিয়ালটোৰ বাসগৃহৰ লগতে কাৰখানাটো।
কাৰখানাটোত 2 লাখ টকাৰ মিঠাই থকাৰ উপৰিও বহু কোটি টকাৰ মিঠাই বনোৱা যন্ত্ৰ,চাৰিচকীয়া বাহন আদি মজুত আছিল। এই অগ্নিকাণ্ডৰ ফলত কোটি থকাৰ সামগ্ৰী জাহ যোৱাৰ লগতে সুনীল দাসৰ কণিষ্ঠ পুত্ৰৰ বিয়াৰ বাবে সাজু কৰি ৰখা বহু মূল্যবান সামগ্ৰীও জাহ যায় । আনহাতে অগ্নিকাণ্ডৰ প্ৰকৃত কাৰণ এতিয়াও জানিব পৰা নাই যদিও শ্বট চাৰ্কিটৰ বাবেই অগ্নিকাণ্ড সংঘটিত হোৱাৰ সন্দেহ কৰিছে সুনীল দাসৰ পৰিয়ালে ৷
আৰু পঢ়ক: 7 দিন, ৰঞ্জন গগৈৰ হাতত বাকী 5 টা গুৰুত্বপূৰ্ণ বিষয়ৰ ৰায়দান
