ভাৰত ভূটান সীমান্তৰ আন্তঃৰাষ্ট্ৰীয় তোৰণ মুকলি

নতুন বছৰৰ প্ৰাকক্ষণত ভৈৰৱকুণ্ডৰ পৰ্যটন ক্ষেত্ৰত ঘটোৱা হয় আন এক সংযোজন ৷ বনভোজস্থলীলৈ লোকসকলক আদৰিবলৈ সাজি উলিওৱা হৈছে এখন আটক ধুনীয়া তোৰণ ৷ ভাৰতৰ পৰা ভূটানলৈ যোৱা পথত নিৰ্মান কৰা হয় এই আন্তঃৰাষ্ট্ৰীয় তোৰণখন ৷

ওদালগুৰি, 30 ডিচেম্বৰঃ অসমৰ এক অন্যতম তথা মনোৰম বনভোজস্থলী ওদালগুৰি জিলাৰ ভৈৰৱকুণ্ড ৷ মনোৰম প্ৰাকৃতিক পৰিৱেশৰ সমাগমস্থলী ভৈৰৱকুণ্ডলৈ প্ৰতিবছৰে ডিচেম্বৰ-জানুৱাৰী মাহত সমাগম ঘটে লাখ লাখ লোকৰ ৷ নতুন বছৰৰ প্ৰাকক্ষণত ভৈৰৱকুণ্ডৰ পৰ্যটন ক্ষেত্ৰত ঘটোৱা হয় আন এক সংযোজন ৷ বনভোজস্থলীলৈ লোকসকলক আদৰিবলৈ সাজি উলিওৱা হৈছে এখন আটক ধুনীয়া তোৰণ ৷

ভাৰত ভূটান সীমান্তৰ আন্তঃৰাষ্ট্ৰীয় তোৰণ মুকলি

ভাৰতৰ পৰা ভূটানলৈ যোৱা পথত নিৰ্মান কৰা হয় এই আন্তঃৰাষ্ট্ৰীয় তোৰণখন ৷ শিল্পীৰ যাদুকৰী হাতেৰ পৰশত তোৰণখনত প্ৰাণ পাইছে অসমীয়া গামোচা, আৰনাইকে ধৰি অসম গৌৰৱ এশিঙীয়া গড় ৷ সোমবাৰে তোৰণখন আনুষ্ঠানিকভাৱে মুকলি কৰে অসম চৰকাৰৰ কেবিনেট মন্ত্ৰী ৰিহন দৈমাৰীয়ে ৷

আনহাতে, তোৰণখনৰ সমীপতে ভাৰত-ভূটানৰ মাজত আলোচনা সভা তথা পৰ্যটকৰ জিৰণিৰ বাবে নিৰ্মান কৰা হৈছে এটি জিৰণি ঘৰ ৷ উক্ত জিৰণি ঘৰতো উদ্বোধন কৰে মাজবাট সমষ্টিৰ বিধায়ক চৰণ বড়োই ৷ উদ্বোধনী অনুষ্ঠানখনত উপস্থিত থাকে ওদালগুৰি জিলাৰ উপায়ুক্ত প্ৰকাশ ৰঞ্জন ঘৰফলীয়াৰ লগতে ভূটানৰ প্ৰতিনিধি ৷ এই তোৰণ খনে ভৈৰৱকণ্ডলৈ অহা পৰ্যটক সকলক অধিক আকৰ্ষিত কৰিব বুলি আশা প্ৰকাশ কৰে সভাত উপস্থিত সকলোৱে ৷ তোৰণখনৰ দায়িত্ব এছ এছ বিৰ 23 নং বেটালিয়নক অনুষ্ঠানিক ভাবে প্ৰদান কৰে ওদালগুৰি জিলা প্ৰশাসনে ৷

লগতে পঢ়ক-পৰ্যটন ক্ষেত্ৰলৈ দুঃসংবাদ : হ্ৰাস পাইছে পৰ্যটকৰ সংখ্যা !