ওদালগুৰিত জন্মদিন উদযাপন হাগ্ৰামা মহিলাৰীৰ

সাত মার্চত ঘোষণা হ'ব কোকৰাঝাৰ লোকসভা সমষ্টিৰ বি পি এফৰ প্ৰাৰ্থীৰ তালিকা

ওদালগুৰি,১ মাৰ্চ: ৫০ বছৰীয়া হ'ল বিটিচি প্ৰধান হাগ্ৰামা মহিলাৰী । শুকুৰবাৰেওদালগুৰিত কেক কাটি ৫০ বছৰীয়া জন্মদিন উদযাপন বিটিচি প্ৰধান হাগ্ৰামা মহিলাৰীৰ ।

ওদালগুৰি জিলাৰ খৈৰাবাৰীৰ মহীৰংগ ভৱনত বিপিএফ ভেৰগাঁও ( সাংগঠনিক) জিলা সমিতিৰ উদ্যোগত অনুষ্ঠিত হোৱা বিপিএফ দলৰ জ্যেষ্ঠ নাগৰিক আৰু অভিভাৱক সভাত অংশগ্ৰহণ কৰি কেক কাটি নিজৰ জন্মদিন উদযাপন কৰে বিটিচি প্ৰধানজনে ।

আনহাতে জন্মদিনৰ দিনটোতো আক্ৰমণাত্মকভাৱে পৃথক বড়ো ৰাজ্য আৰু ৬ জনগোষ্ঠীৰ জনজাতিকৰণ প্ৰসংগক লৈ নিখিল বড়ো ছাত্ৰ সন্থাক তীব্ৰ সমালোচনা কৰে হাগ্ৰামাই । কেৱল এয়াই নহয়, আগন্তুক লোকসভাত এবছু সভাপতি প্ৰমোদ বড়োক প্ৰতিদ্বন্দিতা কৰিবলৈ আহ্বান জনোৱাৰ লগতে উৰ্খাও গৌৰা আৰু চাঞ্চুমা বিছমুতিয়াৰীয়ে ভি চি ডি চি নিৰ্বাচনত জয়ী হ'ব নোৱাৰে বুলিও দাবী কৰে বিটিচি প্ৰধানজনে । এই সভাতেই সাত মার্চত কোকৰাঝাৰ লোকসভা সমষ্টিৰ বাবে বি পি এফ দলৰ প্ৰাৰ্থী ঘোষণা কৰাৰ লগতে যিমান আন্দোলন কৰিলেও ৬ জনগোষ্ঠীৰ জনজাতিকাৰণ হ'ব বুলি তাৎপৰ্যপূৰ্ণ মন্তব্য দিয়ে‌ হাগ্ৰামা মহিলাৰীয়ে ।

আজিৰ এই সভাত উপস্থিত থাকে পানেৰী সমষ্টিৰ বিধায়িকা কুমলী বাসুমতাৰী , কালাইগাঁও সমষ্টিৰ বিধায়ক মহেশ্বৰ বড়ো, বিটিচিৰ কাৰ্যবাহী সদস্য বনঝাৰ দৈমাৰী, জগদিশ সৰকাৰকে আদি কৰি বহুকেইজন বি পি এফ নেতা ।