ওদালগুৰি, 28 মে': ৰাজ্যপালৰ শাসনৰ অধীনত থকা বিটিচিত হ'ব জনতাৰ দৰবাৰ ৷ বিটিচিৰ সচিবালয়, ৪ খন জিলাৰ উপায়ুক্ত কাৰ্যালয় আৰু মহকুমাধিপতি কাৰ্যালয়ত প্ৰতি মঙল আৰু বৃহস্পতিবাৰে দিনৰ ১১ বজাত অনুষ্ঠিত হ'ব জনতা দৰবাৰ । বৃহস্পতিবাৰে এই কথা ঘোষণা কৰিছে ৰাজ্য়পাল জগদীশ মুখীয়ে ৷ জনতা দৰবাৰত যিকোনো সমস্যাৰ বিষয়ে পোনপটীয়াকৈ অভিযোগ দিব পাৰিব জনসাধাৰণে।
উল্লেখ্য যে, ৰাজ্যপাল শাসন প্ৰৱৰ্তন হোৱাৰ পিছত বৃহস্পতিবাৰে প্ৰথমবাৰৰ বাবে ওদালগুৰিত উপস্থিত ৰাজ্যপাল জগদীশ মুখী ৷ ইয়াৰ পিছতে ওদালগুৰিৰ উপায়ুক্ত কাৰ্যালয়ৰ সভা কক্ষত ওদালগুৰিৰ উপায়ুক্তৰ লগতে জিলা খনৰ বিভিন্ন বিভাগৰ মূৰব্বী সকলৰ সৈতে বৈঠকত মিলিত হয় ৰাজ্যপাল গৰাকী ৷ লগতে ৰাজনৈতিক দল আৰু জাতীয় দল সংগঠনৰ জিলা নেতৃত্বৰ সৈতেও আলোচনাত বহে ৰাজ্যপাল গৰাকী ৷ বৈঠকত বিভিন্ন দল সংগঠন সমূহে বিভিন্ন সমস্যাৰ কথা অৱগত কৰাৰ লগতে দুৰ্নীতিৰ বিৰুদ্ধে ব্যৱস্থা গ্ৰহণ কৰিবলৈ আহ্বান জনায় ৰাজ্যপালক ৷ ইয়াৰ পাছতে ওদালগুৰিৰ আৱৰ্ত ভৱনত সংবাদমেলো সম্বোধন কৰে ৰাজ্যপাল জনে।
ৰাজ্যপাল গৰাকীয়ে সংবাদ মাধ্যমৰ আগত প্ৰকাশ কৰা অনুসৰি ৰাজ্যপালৰ শাসনৰ অধীনত থকা বিটিচিত হ'ব জনতাৰ দৰবাৰ ৷ বিটিচিৰ সচিবালয়, ৪ খন জিলাৰ উপায়ুক্ত কাৰ্যালয় আৰু মহকুমাধিপতি কাৰ্যালয়ত প্ৰতি মঙল আৰু বৃহস্পতিবাৰে দিনৰ ১১ বজাত অনুষ্ঠিত হ'ব জনতা দৰবাৰ । লগতে বিটিচি অঞ্চলৰ আন ৭০ টা স্থানত স্থাপন কৰা হ'ব অভিযোগ বাকচ ৷ ৰাইজে দিয়া অভিযোগ সমূহৰ সমাধানৰ আশ্বাস প্ৰদান কৰে ৰাজ্যপাল গৰাকীয়ে ৷
ইয়াৰ লগতে বিটিচিত চলি থকা দুৰ্নীতিৰ বিৰুদ্ধেও কঠোৰ হোৱাৰ ইংগিত ৰাজ্যপালৰ ৷ ৰাজ্যপাল শাসন প্ৰৱৰ্তন হোৱাৰ পিছত যদি বিটিচিত কিবা দূৰ্নীতি সংঘটিত হৈছে তেন্তে তাৰ বিৰুদ্ধে উচিত ব্যৱস্থা গ্ৰহণ কৰাৰ আশ্বাস ৰাজ্যপালৰ ৷ ইয়াৰ লগতে প্ৰতি সপ্তাহত এবাৰকৈ বিটিচি ভ্ৰমণ কৰিব বুলিও জনায় ৰাজ্যপালে। অহা জুন, জুলাই আৰু আগষ্ট মাহৰ ভিতৰত বিটিচি অঞ্চলত ৰোপন কৰা হ'ব ৪০ লাখ গছৰ পুলি ৷ বিটিচিৰ প্ৰতিজন সাধাৰণ লোকক ৫ দাল আৰু চৰকাৰী কৰ্মচাৰীক ১০ দাল গছ পুলি ৰোপনৰ আহ্বান ৰাজ্যপাল জগদীশ মুখীৰ ৷
লগতে পঢ়কঃ বৰঝাৰ বিমানবন্দৰ পৰিদৰ্শন মুখ্যমন্ত্ৰী সৰ্বানন্দ সোণোৱালৰ
