বানৰ কবলত ওদালগুৰিৰ বহু গাঁও

টংলা চহৰলৈ যাত্ৰীবাহী গাড়ীৰ চলাচল বন্ধ থকাৰ ফলত অঞ্চলবাসীয়ে যাতায়তৰ ক্ষেত্ৰত অসুবিধাৰ সন্মুখীন হৈ আহিছে । আনহাতে বানৰ ফলত অঞ্চলটোৰে খেতি পথাৰসমূহ পানীৰে উপচি পৰাত মূৰে-কপালে হাত দিবলগীয়া হৈছে খেতিয়কসকলে ।

ওদালগুৰি, ১৬ জুন : ওদালগুৰিত শনিবাৰে নিশা হোৱা নেৰা-নেপেৰা বৰষুণৰ ফলত জিলাখনৰ ভূটান সীমান্তৰ কেইবাখনো গাঁৱত বানৰ সৃষ্টি হয় । বানৰ ফলত জিলাখনৰ ভেৰগাঁও মহকুমাৰ ডিমাকুছি, ৰাজাগড়, নাওবন্ধা আৰু শুক্লাই গাঁৱত এক প্ৰকাৰ জনজীৱন স্তব্ধ হৈ পৰিছে ।

এইসমূহ অঞ্চলৰ পৰা টংলা চহৰলৈ যাত্ৰীবাহী গাড়ীৰ চলাচল বন্ধ থকাৰ ফলত অঞ্চলবাসীয়ে যাতায়তৰ ক্ষেত্ৰত অসুবিধাৰ সন্মুখীন হৈ আহিছে । আনহাতে বানৰ ফলত অঞ্চলটোৰে খেতি পথাৰসমূহ পানীৰে উপচি পৰাত মূৰে-কপালে হাত দিবলগীয়া হৈছে খেতিয়কসকলে ।