ওদালগুৰি,16 ডিচেম্বৰ: নাগৰিকত্ব সংশোধনী আইনৰ বিৰোধী আন্দোলনত শ্বহীদ হোৱা ঈশ্বৰ নায়কলৈ শ্ৰদ্ধাঞ্জলি ৷ নাগৰিকত্ব সংশোধনী আইন বিৰোধী আন্দোলনত গুৱাহাটীত নিৰাপত্তা বাহিনীৰ গুলিত মৃত্যু হোৱা ওদালগুৰি জিলাৰ মাজুলী চাহ বাগিছাৰ ঈশ্বৰ নায়কলৈ সোমবাৰে অন্তিম শ্ৰদ্ধা জনালে ওদালগুৰি জিলাৰ বিভিন্ন দল সংগঠনে ৷
লগতে পঢ়ক:অসম চৰকাৰে CAAৰ বিৰোধিতা নকৰাতো লজ্জাজনক : প্ৰফুল্ল কুমাৰ মহন্ত
গুৱাহাটীত আন্দোলন কৰিবলৈ গৈ ঈশ্বৰ নায়ক আৰক্ষীৰ গুলীত আহত হৈ চিকিৎসাধীন হৈ আছিল গুৱাহাটী চিকিৎসা মহাবিদ্যালয় হাস্পতালত ৷ সংকটজনক অৱস্থাত চিকিৎসাধীন হৈ থকা ঈশ্বৰ নায়কৰ দেওবাৰে নিশা হাস্পতালত মৃত্যু ঘটিছিল ৷
লগতে পঢ়ক:ৰাজ্যত শীঘ্ৰে উপলব্ধ হ'ব ইন্টাৰনেটঃ হিমন্ত বিশ্ব
উল্লেখ্য যে নাগৰিকত্ব সংশোধনী আইনৰ বিৰোধী আন্দোলনত বহু প্ৰতিবাদকাৰী আহত হোৱাৰ উপৰিও শ্বহীদ হয় 5 জনকৈ লোকে ৷ এই আন্দোলনত আৰক্ষীৰ গুলীচালনাত ছয়গাঁৱৰ দীপাঞ্জল দাস,গুৱাহাটীৰ হাতীগাঁও অঞ্চলৰ দশম শ্ৰেণীৰ ছাত্ৰ ছেম ষ্টেফ'ৰ্ড, ওদালগুৰি জিলাৰ ঈশ্বৰ নায়ক, বৰপেটাৰ আব্দুল হালিম আৰু নলবাৰী জিলাৰ সঞ্জীৱ ডেকাই মৃত্যু বৰণ কৰিছিল ৷
লগতে পঢ়ক:অস্থায়ী কাৰাগাৰলৈ পৰিণত হ'ল দীঘলী পুখুৰী
