ওদালগুৰিৰ বন্ধৰ ফলত স্তব্দ জনজীৱন

জনজাতিকৰণৰ বিৰুদ্ধে জনজাতি সংগঠন

ওদালগুৰি , ১৩ ফেব্ৰুৱাৰী : ইটোৰ পাচত সিটো বন্ধই জুৰুলা কৰিছে অসমবাসীক । এদিন যদি জনজাতিকৰণৰ দাবীত বন্ধ আন এদিন জনজাতিকৰণৰৰ বিৰুদ্ধে বিভিন্ন সংগঠনে আহ্বান জনাইছে অসম বন্ধৰ । নাগৰিকত্ব সংশোধনী বিধেয়কৰ বিৰুদ্ধেও ৰাজ্যৰ সৰ্বত্ৰে অব্যাহত আছে প্ৰতিবাদ ।

এটাৰ পাচতে আনটো বন্ধৰ ফলত দৈনিক আয় কৰা লোকসকলৰ লগতে ছাত্ৰ-ছাত্ৰীসকল বিশেষভাৱে সমস্যাৰ সন্মুখীন হৈছে । উচ্চ মাধ্যমিক পৰীক্ষা চলি থকাৰ মাজতে বুধবাৰে জনজাতি সংগঠনসমূহৰ সমন্বয়ৰক্ষী সমিতিয়ে আহ্বান জনোৱা অসম বন্ধৰ ফলত জীয়াতু ভোগ কৰিছে একাংশ ছাত্ৰ-ছাত্ৰী তথা অভিভাৱকে । ৰাজ্যৰ ছয়-জনগোষ্ঠীৰ জনজাতিকৰণৰ বিৰুদ্ধে জনজাতিকৰণ সমন্বয়ৰক্ষী সমিতিয়ে আহ্বান জনোৱা অসম বন্ধৰ সৰ্বাত্মক প্ৰভাৱ পৰা দেখা গ'ল ওডালগুৰি জিলাত । চৰকাৰী শিক্ষা প্ৰতিষ্ঠানসমূহৰ লগত বেচৰকাৰী শিক্ষা প্ৰতিষ্ঠানসমূহো বন্ধ হৈ পৰিল জিলাখনত ।