ওদালগুৰি, 27 জানুৱাৰীঃ ওদালগুৰিত মানৱ সমাজক লজ্জানত কৰা ঘটনা ৷ ওদালগুৰি জিলাৰ ডিমাকুছি থানাৰ অন্তৰ্গত ২ নং ভোলাটাত ৫ বছৰীয়া কিশোৰীক দলবদ্ধভাৱে ধৰ্ষণ কৰি হত্যা কৰে দেওবাৰে ৷ দেওবাৰে সন্ধিয়া দোকানলৈ গৈ থকা অৱস্থাত কিশোৰী গৰাকীক ধৰ্ষণ কৰি জংঘলত পেলাই যায় ৩ পাষণ্ডই ৷ ঘটনা সন্দৰ্ভত সন্তোস তান্তী আৰু ৰৌশান মুণ্ডা নামৰ দুজন ব্যক্তিক কৰায়ত্ত কৰিছে আৰক্ষীয়ে ৷ ঘটনা সংঘটিত কৰা আন এজন পাষণ্ড বৰ্তমানো পলাতক বুলি জানিবলৈ দিয়ে আৰক্ষীয়ে ৷
স্থানীয় লোকৰ ভাষ্য অনুসৰি, ২৬ জানুৱাৰী তাৰিখে সন্ধিয়া ৫ মান বজাত ধৰ্ষণ আৰু হত্যাৰ বলি হোৱা কন্যা শিশু গৰাকীয়ে সমীপৰে এখন দোকানত বিস্কুট কিনিবলৈ গৈছিল । তেনে সময়তে ৩ জনীয়া পাষণ্ডৰ দল এটাই কনমানি গৰাকীক দলবদ্ধভাৱে ধৰ্ষণ কৰাৰ লগতে হত্যা কৰি সমীপৰ জংঘলত পেলায় যায় । সোমবাৰে পুৱা কনমানিজনীৰ মৃতদেহ স্থানীয় লোকে মূমূৰ্ষ অৱস্থাত জংঘলৰ মাজত প্ৰত্যক্ষ কৰাৰ পিছতে পোহৰলৈ আহে এই লজ্জাজনক তথা ভয়ংকৰ ঘটনা । ইয়াৰ পিছতে স্থানীয় লোকে ডিমাকুছি থানা ঘেৰাও কৰি উত্তপ্ত পৰিস্থিতি সৃষ্টি কৰে । আৰক্ষীয়ে এই ঘটনা সন্দৰ্ভত সন্তোষ তাঁতী আৰু ৰোশন মুণ্ডা নামৰ দুজন যুৱককো আটক কৰিবলৈ সক্ষম হয় যদিও বৰ্তমান এজন পলাতক হৈ আছে।
আৰু পঢ়কঃ অসম চৰকাৰক ধন্যবাদ জ্ঞাপন প্ৰমোদ বড়োৰ
