ট্ৰেক্টৰ দুৰ্ঘটনাত নিহত কিশোৰ

পোন্ধৰ জনীয়া এটা দলে চেঙেলিৰ পৰা সৰুমেচাইলৈ গৈ থকাৰ অৱস্থাত ট্ৰেক্টৰ চালকৰ অমনোযোগিতাৰ ফলত ট্ৰেক্টৰখন পথাৰত বাগৰি পৰাত ঘটনাতো সংঘটিত হয় ৷

শদিয়া, 15 এপ্ৰিলঃ : কাকপথাৰৰ চেঙেলিজানত ট্ৰেক্টৰ দুৰ্ঘটনাত এটি কিশোৰ নিহত ৷ নিহত কিশোৰটি কাকপথাৰ থানাৰ অন্তগত সৰুমেচাই গাৱঁৰ বিশ্বজিৎ মৰাণ(14) বুলি জানিব পৰা গৈছে ৷ পোন্ধৰ জনীয়া এটি দলে চেঙেলিৰ পৰা সৰুমেচাইলৈ গৈ থকাৰ অৱস্থাত ট্ৰেক্টৰ চালকৰ অমনোযোগিতাৰ ফলত ট্ৰেক্টৰখন পথাৰত বাগৰি পৰাত ঘটনাতো সংঘটিত হয় ৷ দুৰ্ঘটানত আহত হোৱা পাঁচজনৰ অৱস্থা সংকটজনক হোৱাৰ বাবে ততাতৈয়াকৈ উন্নত চিকিৎসাৰ বাবে তিনিচুকীয়া অসামৰিক চিকিৎসালয়লৈ প্ৰেৰণ কৰে বুলি জানিব পৰা গৈছে ৷