তিনিচুকীয়া,14 অক্টোবৰ : তিনিচুকীয়াত উদক ভেটা ৰখীয়া পটাৰ দৰে কাৰ্য সংঘটিত হৈছে ৷ পুনৰ আৰক্ষীৰ গাত চেকা লগালে তিনিচুকীয়াৰ বাৰেকুৰী থানৰ এজন আৰক্ষীয়ে । এগৰাকী কিশোৰীক ধৰ্ষণৰ অপচেষ্টা বাৰেকুৰী থানাৰ আৰক্ষী দ্বীপেন চুতীয়াৰ ৷ আৰক্ষীৰ এই নিলৰ্জ্জ কাণ্ডৰ পাছত দোষী আৰক্ষীক শাস্তিৰ দাবীৰে বাৰেকুৰী থানা উত্তপ্ত কৰি তোলে স্থানীয় ৰাইজে ।
ঘটনা অনুসৰি কিশোৰী গৰাকীৰ ঘৰত থকা দোকানলৈ গৈছিল আৰক্ষী জন ৷ দোকানত আন কোনো নথকাৰ সুযোগ লৈ কিশোৰী গৰাকীক যৌন নিৰ্যাতনৰ চেষ্টা চলাই আৰক্ষী জোৱানজনে ৷ ইমানেই নহয়, ঘটনাটোৰ কথা আনক জ্ঞাত নকৰিবলৈ পইচা পৰ্যন্ত দিব বিচাৰিছিল কিশোৰী গৰাকীক । ইপিনে উক্ত ঘটনাটো বাৰেকুৰী থানাই গাপ দিব বিচৰাৰ লগতে আৰক্ষী কনিষ্ঠবলজনক সুৰক্ষা দিয়াৰ অভিযোগ উত্থাপন কৰিছে ৰাইজে । গতিকে এই ঘটনাৰ বিৰুদ্ধে বাৰেকুৰী থানা ঘেৰাও কৰি তীব্ৰ প্ৰতিবাদ সাব্যস্ত কৰে স্থানীয় ৰাইজে ৷
