তিনিচুকীয়া, ১৪ আগষ্ট: তিনিচুকীয়া জিলা প্ৰশাসনৰ উদ্যোগত তথা তিনিচুকীয়া জিলাৰ আয়ুক্ত স্বপ্নীল পালৰ প্ৰচেষ্টাত জিলাখনৰ দিব্যাংগ তথা বিশেষভাৱে সক্ষম লোকসকলৰ সকলৰ বাবে এক বিশেষ পদক্ষেপ গ্ৰহণ কৰা হৈছে । দিব্যাংগ তথা বিশেষভাৱে সক্ষম লোকসকলৰ সকলৰ সুবিধা হোৱাকৈ আৰম্ভ কৰা হৈছে "Mission Thoughtful Tinsukia" শীৰ্ষক এক বিশেষ কাৰ্যসূচী ।
লগতে পঢ়ক:Partition Horrors Remembrance Day : ধেমাজিত বিভাজন বিভীষিকা স্মৃতি দিৱসত শিক্ষামন্ত্ৰী ডাঃ ৰণোজ পেগু
সোমবাৰে পুৱা ১০ বজাত জিলাখনৰ তিনিচুকীয়া অসামৰিক চিকিৎসালয়ৰ সমীপৰ আশা গৃহত (IGNOU শিক্ষা কেন্দ্ৰত) এই কাৰ্যসূচীৰ শুভাৰম্ভ কৰা হয় ৷ এই বিশেষ অনুষ্ঠানটোত তিনিচুকীয়া ৰটাৰী ক্লাৱ, লায়ঞ্চ ক্লাৱ তিনিচুকীয়া আৰু মাৰোৱাৰী যুৱ মঞ্চ তিনিচুকীয়াই সহযোগিতা আগবঢ়াইছে ৷ উক্ত অনুষ্ঠানত তিনিচুকীয়া সমষ্টিৰ বিধায়ক তথা শ্ৰম মন্ত্ৰী সঞ্জয় কিষাণে বিশেষ অতিথি হিচাপে উপস্থিত থাকে । তদুপৰি এই অনুষ্ঠানটোত জিলা আয়ুক্ত স্বপ্নীল পাল আৰু জিলা উন্নয়ন আয়ুক্ত সুশান্ত দত্তৰ লগতে কেইবাগৰাকীও বিশিষ্ট ব্যক্তি উপস্থিত থাকে ৷
লগতে পঢ়ক:77th independence day : দিল্লীত ৰাষ্ট্ৰীয় পতাকা উত্তোলনৰ কাৰ্যসূচীত অংশ ল’ব ৰহম চেনী, অনামিকা ভূঞাই
"Mission Thoughtful Tinsukia" শীৰ্ষক এক বিশেষ কাৰ্যসূচীৰ জৰিয়তে জিলাখনত থকা বিশেষভাৱে সক্ষম সকলোৱে যাতে বিশেষভাৱে সক্ষমৰ প্ৰমাণপত্ৰ লাভ কৰে তাৰ বাবে স্থানতেই চিকিৎসকে চিকিৎসা কৰি প্ৰমাণপত্ৰ প্ৰদান কৰাৰ ব্যৱস্থা কৰা হয় ৷ এই অনুষ্ঠানৰ জৰিয়তে আগন্তুক দিন সমূহত এনে লোকসকলে চৰকাৰী সুবিধা লাভ কৰাৰ পৰা বঞ্চিত নহ'ব বুলি আশা কৰা হৈছে ৷ আগন্তুক দিন সমূহত এই জিলাখনত থকা সকলো এনে লোকে যাতে প্ৰমাণপত্ৰ লাভ কৰে তাৰ বাবে শ্ৰম মন্ত্ৰী সঞ্জয় কিষাণে সকলো বিধায়কক বিহিত ব্যৱস্থা ল'বলৈ আহ্বান জনোৱাৰ লগতে জিলা আয়ুক্তৰ এনে পদক্ষেপক আদৰণি জনাইছে ৷
