শদিয়া, 25 জানুৱাৰীঃ কাকপথাৰত নাগৰিকত্ব সংশোধনী আইনৰ বিৰুদ্ধে শনিবাৰে একত্ৰিত হয় জ্যেষ্ঠ নাগৰিকসকল ৷ প্ৰতিবাদস্থলীত অৱসৰপ্ৰাপ্ত শিক্ষক, কৰ্মচাৰীসকল উপস্থিত হৈ আইনখন গ্ৰহণ নকৰাৰ হুংকাৰ প্ৰদান কৰে ৷ শতাধিক জ্যেষ্ঠ নাগৰিকে কাকপথাৰৰ অসমীয়া দুৰ্গা মন্দিৰৰ সন্মুখত তিনিঘণ্টীয়া অৱস্থান ধৰ্মঘট কাৰ্যসূচী গ্ৰহণ কৰে ৷ জ্যেষ্ঠ নাগৰিকসকলে এই সংগ্ৰাম অধিক তীব্ৰতৰ হ’ব বুলি জানিবলৈ দিয়ে ৷ লগতে অসমৰ জাতীয়-জনগোষ্ঠীয় সংগঠনসমূহক ঐক্যবদ্ধ সংগ্ৰাম কৰাৰ বাবে আহ্বান জনায় ৷
ইফালে, প্ৰতিবাদস্থলীতে বৃহত্তৰ কাকপথাৰ অঞ্চলৰ জ্যেষ্ঠ নাগৰিকসকলক সন্মিলিত কৰি এখন কা বিৰোধী মঞ্চ গঠন কৰি গাঁৱে-গাঁৱে সজাগতা সভা আয়োজন কৰাৰো সিদ্ধান্ত গ্ৰহণ কৰে ৷ উক্ত ঐক্যবদ্ধ আন্দোলনৰ আহ্বানক আছু, যুৱ-ছাত্ৰ পৰিষদ, কৃষক মুক্তিকে ধৰি জাতীয় সংগঠনসমুহে কেনেদৰে গ্ৰহণ কৰে সেয়া হ’ব লক্ষণীয় ৷ অঞ্চলটোৰ জ্যেষ্ঠ নাগৰিকসকলে এইদৰে আইনখনৰ বিৰুদ্ধে ওলাই অহা কাৰ্যই বিশেষ তাৎপৰ্য বহন কৰিছে কাকপথাৰত ৷
লগতে চাওকঃচাৰি সপ্তাহৰ অন্তৰ্ৱৰ্তীকালীন জামিনত মুকলি ৰঞ্জন দৈমাৰী
