ডুমডুমা, 21 আগষ্ট : তিনিচুকীয়া জিলাৰ ডুমডুমাৰ বৰহাপজানত সংঘটিত হৈছে এক আজৱ ঘটনা । আৰক্ষীৰ গাড়ীৰ পৰাই পলাল মোবাইল চুৰিৰ অভিযোগত আৰক্ষীয়ে আটক কৰা চোৰ । ঘটনাৰ বিৱৰণী অনুসৰি, মোবাইল চুৰিৰ অভিযোগত তালাপ আৰক্ষীয়ে আটক কৰিছিল কৰ্দৈগুৰিৰ ৰবীন মৰাণ নামৰ এজন যুৱকক । অভিযুক্ত যুৱকজনক আৰক্ষীয়ে তিনিচুকীয়া আদালতৰ পৰা লৈ অহাৰ সময়তেই এই ঘটনা সংঘটিত হৈছে । আৰক্ষীৰ দলটো চাহ খাবৰ বাবে এখন হোটেলত সোমাইছিল । সেই সময়তেই আৰক্ষীৰ গাড়ীৰ পৰা পলায়ন কৰে চোৰটো ।
ইয়াৰ পাছতেই আৰক্ষীৰ দলটোৰ মাজত লাগে হুৱাদুৱা । পৰৱৰ্তী সময়ত তিনিচুকীয়াৰ পৰা অহা বিশেষ আৰক্ষীৰ এটা দলে প্ৰায় দুঘন্টা ধৰি চলোৱা অভিযানৰ অন্তত বৰহাপজানৰ ৰাইডাং চাহ বাগিছাৰ সমীপৰ জংঘলৰ মাজৰ পৰা আটক কৰিবলৈ সক্ষম হয় চোৰটোক । আৰক্ষীৰ বাহনৰ পৰা এনেদৰে চোৰৰ পলায়নৰ ঘটনাই বিশেষ তাৎপৰ্য বহন কৰিছে ।
লগতে পঢ়ক : ৰাজপাট দখলত নিষ্কন্টক হ’বলৈ অখিল গগৈক বন্দী কৰি ৰাখিছে সৰ্বা-হিমন্তই : ধৈৰ্য্য কোঁৱৰ
