কাকপথাৰত দুটাকৈ ভয়ংকৰ পথ দুৰ্ঘটনা : নিহত এজন

শনিবাৰে সন্ধিয়া কাকপথাৰত দুটাকৈ ভয়ংকৰ পথ দুৰ্ঘটনাত সংঘটিত হয় ৷ উক্ত দুৰ্ঘটনাত এজন লোক নিহত হোৱাৰ বিপৰীতে আন এজন লোক গুৰুতৰভাবে আহত হয় ৷

শদিয়া,16 জানুৱাৰী : কাকপথাৰত শনিবাৰে সন্ধিয়া দুটাকৈ ভয়ংকৰ পথ দুৰ্ঘটনাত সংঘটিত হয় ৷ উক্ত দুৰ্ঘটনাত এজন লোক নিহত হোৱাৰ বিপৰীতে আন এজন লোক গুৰুতৰভাবে আহত হয় ৷

কাকপথাৰ ৰজাগড়ত হোৱা প্ৰথমটো পথ দুৰ্ঘটনাত এজন লোক গুৰুতৰভাবে আহত হয় ৷ AS-01-BD-6902 নম্বৰৰ এখন চাৰিচকীয়া বাহনে AS-23-Z-4613 নম্বৰৰ এখন পালচাৰ মটৰ চাইকেলত খুন্দা মৰাৰ ফলত দুৰ্ঘটনাতো সংঘটিত হয় ৷ মটৰ চাইকেলৰ চালকজনক সংকটজনক অৱস্থাত কাকপথাৰ আৰক্ষী সহযোগত তিনিচুকীয়া অসামৰিক চিকিৎসালয়ত ভৰ্তি কৰা হয় ৷

ইফালে, কাকপথাৰ চেঙেলীত অচিনাক্ত বাহনে খুন্দাত নিহত হয় এজন লোক ৷ অচিনাক্ত বাহনখনে AS-23-X-1121 নম্বৰৰ মটৰ চাইকেলত খুন্দা মৰাৰ ফলত থিতাতে মৃত্যু হয় লোকজনৰ ৷ বাতৰি সংগ্ৰহ কৰা সময়লৈকে নিহত লোকজনৰ পৰিচয় জানিব পৰা নাই ৷

উল্লেখ্য যে, দুৰ্ঘটনা সংঘটিত কৰি পলায়ন কৰা বাহনৰ বিৰুদ্ধে তদন্ত অব্যাহত ৰাখিছে কাকপথাৰ আৰক্ষীয়ে ৷

লগতে পঢ়ক: 18 জানুৱাৰীত অনুষ্ঠিত হ’ব আঞ্চলিক গণমৰ্চাৰ ৰাজনৈতিক অভিৱৰ্তন