তিনিচুকীয়া,21অক্টোবৰ: তিনিচুকীয়া জিলাৰ ফিল'বাৰী বুঢ়ীদিহিঙত সোণোৱাল-কছাৰী ছাত্ৰ সন্থাই সাব্যস্ত কৰে উত্তাল প্ৰতিবাদ ৷ পথ আৰু দলং নিৰ্মাণৰ দাবীত সংগঠনটোৱে সাব্যস্ত কৰে প্ৰতিবাদ ৷ তিনিচুকীয়া জিলাখনত অনুন্নত মৌজা হিচাপে পৰিগণিত হোৱা বুঢ়ীদিহিং মৌজাৰ জৰাজীৰ্ণ পথ আৰু দলঙে দীৰ্ঘদিনৰ পৰাই জীয়াতু ভুগাই আহিছে অঞ্চলবাসীক ৷ যাৰ বাবে সোণোৱাল-কছাৰী ছাত্ৰ সন্থাৰ লগতে বুঢ়ীদিহিং মৌজা আঞ্চলিক সমিতিৰ উদ্যোগত আৰু স্থানীয় ৰাইজৰ সহযোগত এই প্ৰতিবাদী কাৰ্যসূচী ৰূপায়ণ কৰা হয় ।
প্ৰতিবাদকাৰী সকলে ফিল'বাৰীৰ হোলুংগুটিবাৰী হৈ বুঢ়ীদিহিং মৌজা সংযোগী পথৰ ময়লা নৈৰ ওপৰত থকা পকী দলং নিৰ্মাণৰ দাবী জনাই ৷ প্ৰতিবাদকাৰীসকলৰ মন্তব্য অনুসৰি ৰাইজে পথ আৰু দলঙৰ বাবে ভুগি অহা সমস্যাৰ বাবে বিভাগীয় কতৃপক্ষক বহুবাৰ আবেদন জনায় আহিছে যদিও বিভাগে এই ক্ষেত্ৰত কোনো গুৰুত্ব প্ৰদান নাই ৷ যাৰ বাবে ৰাজপথলৈ ওলাই আহি অতি শীঘ্ৰে এই সমস্যা সমাধানৰ বাবে দাবী জনায় চৰকাৰক৷ প্ৰতিবাদকাৰী সকলে চৰকাৰ বিৰোধী শ্ল'গানেৰে উত্তাল কৰি তোলে পৰিৱেশ ৷
- অন্য এক খবৰৰ বাবে: কোকৰাঝাৰত বোৱাৰীক ঘৰৰ পৰা উলিয়াই দিলে শহুৰ-শাহুয়েকে
