শদিয়া, 16 নৱেম্বৰঃ সমগ্ৰ দেশৰ লগতে ৰাজ্যৰ প্ৰায়বোৰ প্ৰান্তত সোমবাৰে পালন কৰা হয় ৰাষ্ট্ৰীয় প্ৰেছ দিৱস ৷ কিন্তু সাংবাদিকৰ এই বিশেষ দিনটো পালন কৰাৰ পৰা বিৰত থাকিল কাকপথাৰৰ সাংবাদিকসকলৰ লগতে প্ৰেছ ক্লাবৰ সদস্যসকল ৷ ইয়াৰ বিপৰীতে সাংবাদিকৰ সুৰক্ষাৰ দাবীত প্ৰতিবাদী কাৰ্যসূচী গ্ৰহণ কৰে সাংবাদিকসকলে ৷ কাকপথাৰ আঞ্চলিক ছাত্ৰ সন্থাৰ সহযোগত কাকপথাৰ ৰাজহুৱা পুথিভঁড়ালৰ সন্মুখত প্ৰেছ ক্লাবৰ সদস্যসকলে মুখত ক’লা কাপোৰ আৰু ক’লা বেজ পৰিধান কৰি সাব্যস্ত কৰে এই প্ৰতিবাদ ৷
প্ৰতিবাদস্থলীত হাতত প্লে’কাৰ্ড লৈ পৰাগ ভূঞা হত্যাৰ ন্যায় বিচৰাৰ লগতে সাংবাদিকৰ নিৰাপত্তা সুনিশ্চিত কৰা দাবী উত্থাপন কৰে সাংবাদিকসকলে ৷ তদুপৰি দেওবাৰে মিৰ্জাৰ সাংবাদিক মিলক মহন্তক জুৱাৰীয়ে কৰা অত্যাচাৰক তীব্ৰ ভাষাৰে গৰিহণা দিয়ে প্ৰেছ ক্লাবৰ লগতে আছু সদস্যসকলে ৷
লগতে পঢ়কঃসাৰৰ ছিণ্ডিকেটে কপাইছে ৰঙিয়া, হাহাকাৰ পৰিস্থিতি কৃষক ৰাইজৰ
