তিনিচুকীয়া, 12 এপ্ৰিল : মঙলবাৰে তিনিচুকীয়া জিলাৰ তিনিচুকীয়া পৌৰসভাৰ নৱ নিৰ্বাচিত প্ৰাৰ্থীসকলকে তিনিচুকীয়া পৌৰসভা কাৰ্যালয়ৰ প্ৰাংগণত আনুষ্ঠানিকভাৱে শপত গ্ৰহণ কৰে (Oath taking ceremony of Tinsukia Municipality Board) । বিজেপিৰ দখললৈ অহা তিনিচুকীয়া পৌৰসভাৰ অন্তৰ্গত মুঠ ১৫ টা ৱাৰ্ডৰ ভিতৰত ১৩ টা বিজেপি আন দুটাৰ ৱাৰ্ডৰ ভিতৰত এটা ৱাৰ্ডত নিদলীয় প্ৰাৰ্থী আৰু আন এটা ৱাৰ্ডত আম আদমী পাৰ্টিৰ প্ৰাৰ্থীয়ে জয়লাভ কৰে (Aam Aadmi Party candidate wins) ৷
উল্লেখযোগ্য যে, ১৫ টা ৱাৰ্ডৰ বিজয়ী ৱাৰ্ড কমিচনাৰৰ সমৰ্থনত ৮ নং ৱাৰ্ডৰ বিজেপি প্ৰাৰ্থী জয়ন্ত বৰুৱাক তিনিচুকীয়া পৌৰসভাৰ পৌৰপতি হিচাপে নিযুক্তি দিয়া হয় ৷ আনহাতে ১২ নং ৱাৰ্ডৰ প্ৰাৰ্থী নৱনীতা আগৰৱালাক উপ পৌৰপতি হিচাপে নিৰ্বাচিত কৰি তিনিচুকীয়া জিলাৰ অতিৰিক্ত উপায়ুক্ত সুশান্ত দত্তই আনুষ্ঠানিকভাৱে শপত বাক্য পাঠ কৰোৱায় ।
উক্ত শপত গ্ৰহণ অনুষ্ঠানটিত অসম চৰকাৰৰ শ্ৰম মন্ত্ৰী তথা তিনিচুকীয়াৰ বিধায়ক সঞ্জয় কিষানকে আদি কৰি বিজেপিৰ বহুদলীয় কৰ্মীৰ উপস্থিতিত বিহু দলৰ নৃত্য আদি প্ৰদৰ্শনৰে এক বৰ্ণাঢ্য অনুষ্ঠান অনুষ্ঠিত কৰা হয় ৷
লগতে পঢ়ক : এআইইউডিএফৰ লগত যুঁজিলে কংগ্ৰেছ নিজেই শেষ হৈ যাব : ৰফিকুল ইছলাম
