পানীত পৰিহে মৃত্যু হৈছে বিশ্বজিৎ বসুমতাৰীৰ

দুই বন্ধুৱে দিলে স্বীকাৰোক্তি ৷ পানীত পৰি মৃত্যু হৈছে বিশ্বজিৎ বসুমতাৰীৰ ৷ বৰ্তমানেও উদ্ধাৰ হোৱা নাই বিশ্বজিতৰ মৃতদেহ ৷ যাৰ বাবে অঞ্চলটোত সৃষ্টি হৈছে তীব্ৰ চাঞ্চল্যৰ ৷

মাৰ্ঘেৰিটা, 5আগষ্ট : টিৰাপ নদীলৈ ফুৰিবলৈ যাওতে নদীত পৰি গৈছিল বিশ্বজিৎ আৰু টিৰাপ নদীৰ বাঢ়নী পানীয়ে উটুৱাই নিছিল বিশ্বজিতক ৷ আৰক্ষীৰ আগত এইদৰে স্বীকাৰোক্তি দিলে বিশ্বজিৎ বসুমতাৰীৰ দুই বন্ধুৱে ৷

উল্লেখ্য যে, ২ আগষ্টৰ দিনা টিৰাপ নদীলৈ দুই বন্ধুৰ সৈতে ফুৰিবলৈ গৈছিল তিনিচুকীয়া জিলাৰ লিডুৰ বিশ্বজিৎ বসুমতাৰী ৷ টিৰাপ নদীত হঠাৎ পৰি গৈছিল বিশ্বজিৎ আৰু বাঢ়নী পানীয়ে উটুৱাই নিছিল বিশ্বজিৎ বসুমতাৰীক ৷ দুই বন্ধুৱে পৰিয়ালৰ পৰা লুকুৱাই ৰাখিছিল এই ঘটনা ৷ ইফালে, ২২ বছৰীয়া এই যুৱকজন নিৰুদ্দিষ্ট হৈ পৰাত চিন্তিত হৈ পৰে পৰিয়ালবৰ্গ ৷ যাৰ বাবে পৰিয়ালবৰ্গই ঘটনা সন্দৰ্ভত আৰক্ষী থানাত দাখিল কৰিছিল এজাহাৰ ৷ এই এজাহাৰৰ ভিত্তিতেই দুয়োজন বন্ধুকে আৰক্ষীয়ে জেৰা কৰে ৷ আৰক্ষীৰ জেৰাত দুই বন্ধুৱে পানীত পৰি মৃত্যু হোৱা বুলি স্বীকাৰোক্তি দিয়ে ৷ আনহাতে,বৰ্তমানেও উদ্ধাৰ হোৱা নাই বিশ্বজিতৰ মৃতদেহ ৷ যাৰ বাবে অঞ্চলটোত সৃষ্টি হৈছে চাঞ্চল্যৰ ৷ আৰক্ষীয়ে ঘটনা সন্দৰ্ভত অব্যাহত ৰাখিছে তদন্ত ৷