তিনিচুকীয়া, 27 জুনঃ বিগত তিনিদিন ধৰি হোৱা ধাৰাষাৰ বৰষুণৰ ফলত ডুমডুমাৰ পৰা বৰডুবি চাহ বাগিছা সংযোগী দলংখন বানে উটুৱাই নিয়ে ৷ উক্ত দলংখন পুনৰ নিৰ্মাণৰ দাবীত আটছা কাকপথাৰ উপ-শাখা সমিতিৰ আহ্বানত শুকুৰবাৰে স্থানীয় ৰাইজে ডুমডুমা-ফিল'বাৰী সংযোগী পথৰ বৰডুবিত পথ অৱৰোধ কৰে । বানে দলংখন উটুৱাই নিয়াৰ ফলত ডুমডুমাৰ সৈতে বৃহত্তৰ বৰডুবি অঞ্চলৰ সংযোগ বিছিন্ন হৈ পৰিছে ৷ যাৰ পৰিপেক্ষিতত প্ৰতিকূল বতৰকো নেওচি আটছাৰ উদ্যোগত আজি শ শ চাহ শ্ৰমিক ৰাজপথলৈ উলাই আহি চৰকাৰ বিৰোধী বিভিন্ন শ্ল'গানেৰে পৰিৱেশ উত্তাল কৰি তোলে ৷
উল্লেখ্য যে,দলংখন বহু পূৰ্বৰে পৰা অধিক শোচনীয় হৈ আছিল ৷ প্ৰতিবছৰে দলংখন মেৰামতিৰ বাবে তেওঁলোকে দাবী উত্থাপন কৰিছিল ৷ কিন্তু নিৰ্বাচনৰ সময়ত গৈ ৰাজনৈতিক নেতাই প্ৰতিশ্ৰুতি দিয়া দলং আৰু পথ নিৰ্মাণৰ কথা নিৰ্বাচন গ'লেই পাহৰি যায় ৷ আৰু এতিয়া দলংখনৰ অৱশিষ্টও বানে উটুৱাই নিয়াত খৰ্গহস্ত হৈছে ছাহ শ্ৰমিকসকল ৷ তেওঁলোকৰ অধিকাংশই যাব পৰা নাই নিজ কৰ্মলৈ ৷ সেয়ে দলংখন শীঘ্ৰেই নিৰ্মাণৰ বাবে এই অৱৰোধ কাৰ্যসূচী হাতত লয় ৷
লগতে পঢ়কঃ দৰঙত অনিদিষ্টকাললৈ সাপ্তাহিক বজাৰ বন্ধ
