ডুমডুমা, ১০ মে': শুকুৰবাৰৰ পৰা ডুমডুমাত অনুষ্ঠিত হৈছে ডুমডুমা কেন্দ্ৰীয় ৰঙালী বিহুৰ সোণালী জয়ন্তী বৰ্ষ । এই অনুষ্ঠানৰ প্ৰথম কাৰ্যসূচী অনুসৰি পুৱা ৫০ খন পতাকা উত্তোলন কৰাৰ লগতে শ্বহীদ তৰ্পণত ৫০ গছি বন্তি প্ৰজ্বলন কৰা হয় । অন্যহাতে এই অনুষ্ঠানতেই পঞ্চাশগৰাকী নাচনীয়ে প্ৰদৰ্শন কৰে বিহু নাচ ।ইপিনে ঢোল, পেঁপা, বিহুনৃত্য প্ৰতিযোগিতা অনুষ্ঠিত হ'ব বিয়লি ভাগত ।
ডুমডুমা কেন্দ্ৰীয় ৰঙালী বিহুৰ সোণালী জয়ন্তী বৰ্ষ
তিনিদিনীয়া কাৰ্যসূচীৰে আৰম্ভ হোৱা ৰঙালী বিহুৰ সোণালী জয়ন্তী বৰ্ষৰ অন্তিম দিনৰ কাৰ্যসূচীত এক আকৰ্ষণীয় অন্তৰংগ মত বিনিময় অনুষ্ঠান অনুষ্ঠিত হ'ব বুলি জানিবলৈ দিয়ে বিষয়া-কৰ্মীয়ে । অন্যহাতে ডুমডুমা ৰাজহুৱা ৰঙালী বিহু সোণালী জয়ন্তীৰ বৰ্ষজোৰা কাৰ্যসূচীত কাতি বিহু, ভোগালী বিহুৰ লগতে অহা বৰ্ষৰ ব'হাগৰ প্ৰথম সপ্তাহৰ পৰা পাঁচদিনীয়াকৈ সোণালী জয়ন্তী সামৰণি অনুষ্ঠান অনুষ্ঠিত কৰা হ'ব ।
