শদিয়া, 26 অক্টোবৰঃ শদিয়াৰ অমৰপুৰ দিবাং নদীত উৱলি যোৱা মৃতদেহ উদ্ধাৰ ৷ মৃতদেহটো অমৰপুৰ পাঁচঘৰীয়া গাঁৱৰ দিব্যধৰ পেগুৰ পুত্ৰ দিলীপ পেগু বুলি চিনাক্ত কৰা হৈছে । উল্লেখ্য যে যোৱা 16 অক্টোবৰৰ পৰাই দিবাং নদীত সন্ধানহীন হৈ আছিল কিশোৰজন ৷ স্থানীয় ৰাইজে জনোৱা মতে দিবাং নদীৰ চাপৰিত থকা গৰুৰ খুটিলৈ যোৱাৰ উদ্দেশ্যে দিলীপ নামৰ 18 বছৰীয়া কিশোৰটিয়ে দিবাং নদী সাঁতুৰি পাৰ হ'বলৈ চেষ্টা কৰোতেই দিবাং নদীত সন্ধানহীন হৈছিল ৷ আঠটা দিনৰ পিছত যুৱকজনৰ উৱলি যোৱা মৃতদেহটো উদ্ধাৰ হোৱাত অঞ্চলজুৰি শোকৰ ছাঁ পৰিছে ৷
শদিয়াত কিশোৰৰ উৱলি যোৱা মৃতদেহ উদ্ধাৰ
আৰু পঢ়ক : যোৰাবাটত জব্দ কয়লা ভৰ্তি ট্ৰাক
