তিনিচুকীয়া,26 জুন: ৰাজ্যৰ ভিন্ন প্ৰান্তত সংহাৰী ৰূপ লৈছে বান পৰিস্থিতিয়ে ৷ ব্যতিক্ৰম নহয় তিনিচুকীয়া জিলাও ৷ বানৰ তাণ্ডৱ ৰাজ্যখনত অব্যাহত থকাৰ মাজতেই তিনিচুকীয়াত ঘটিল এক দুৰ্ঘটনা ৷ জিলাখনৰ ডাঙৰী নৈৰ বাঢ়নী পানীয়ে উটুৱাই নিলে তিনি গৰাকীকৈ মাছমৰীয়াক ৷
উল্লেখ্য যে, শুকুৰবাৰে দুপৰীয়া প্ৰায় ১২.৩০ বজাত 8 গৰাকী লোকে মাছ মৰাৰ উদ্দেশ্যে গৈছিল ডাঙৰী নৈলৈ ৷ কিন্তু পানীৰ কোবাল সোঁতত লোককেইগৰাকীৰ নাও বুৰ যোৱাৰ লগতে উটুৱাই নিয়ে আটাইকেইগৰাকী লোকক ৷ 5 গৰাকী লোকক স্থানীয় লোকে উদ্ধাৰ কৰিবলৈ সক্ষম হৈছে যদিও, বৰ্তমানলৈ সন্ধানহীন হৈ আছে ৰকি ওৰাং(২৪),ৰাজকুমাৰ তাঁতী(৩০) আৰু লহৰ ওৰাং(৪৮) নামৰ আন তিনিগৰাকী লোক ৷
লগতে পঢ়কঃ যিকোনো মূহুৰ্তত জলমগ্ন হ'ব পাৰে অনিল নগৰ-নবীন নগৰ
