তিনিচুকীয়া, 18 নৱেম্বৰ : তিনিচুকীয়া জিলাৰ উপাযুক্তৰ কাৰ্যালয়ৰ সন্মুখত সদৌ অসম আদিবাসী ছাত্ৰ সন্থাৰ (আছা) প্ৰতিবাদ । সদৌ অসম আদিবাসী ছাত্ৰ সন্থা তিনিচুকীয়া জিলা সমিতিৰ উদ্যোগত শদিয়াৰ পৰা তিনিচুকীয়া জিলাৰ উপাযুক্তৰ কাৰ্যালয়ৰ সন্মুখলৈকে পুৰুষ-মহিলা উভয়ে প্ৰায় ছাৰি শতাধিক লোকে বাইক ৰেলী কৰি এক বৃহৎ প্ৰতিবাদী কাৰ্যসূচী ৰূপায়ন কৰে ।
চাহ শ্ৰমিক সকলৰ মজুৰি বৃদ্ধি কৰা, নিৰ্বাচনৰ আগতে অতি সোনকালে জনজাতিকৰণৰ মৰ্যদা প্ৰদান কৰা, আদিবাসী সকলৰ মাটিৰ ম্যাদি পট্টাৰ ব্য়ৱস্থা কৰা আদি কেইবাটাও দাবীৰে প্ৰতিবাদী কাৰ্যসূচীৰ জৰিয়তে চৰকাৰলৈ দাবী জনায় । লগতে তিনিচুকীয়া জিলাৰ বিধায়ক সঞ্জয় কিষাণক কটাক্ষ কৰি কেইবাটাও মন্তব্য আগবঢ়ায় সংগঠনটোৱে ।
আদিবাসী ছাত্ৰ নেতা গৰাকীয়ে কয় যে, সঞ্জয় কিষাণে নিজ জাতিৰ নেতা হিচাপে, শ্ৰম আৰু জনকল্যাণ বিভাগৰ মন্ত্ৰী হোৱাৰ পাচতো আদিবাসী সকলক কোনো গুৰুত্ব প্ৰদান কৰা নাই । যদিহে নিৰ্বাচনৰ আগতে এই দাবী সমূহ প্ৰদান নকৰে তেনেহ'লে যোৱা নিৰ্বাচনত যেনেকৈ কংগ্ৰেছ উফৰাই পেলোৱা হৈছিল ঠিক তেনেকৈ আগন্তুক ২১ ৰ নিৰ্বাচনত সঞ্জয় কিষাণৰ দৰে নেতাকো ওফৰাই দিবলৈ বাধ্য হ'ব বুলি সঁকিয়াই দিয়ে প্ৰতিবাদকাৰীসকলে ৷
লগতে পঢ়ক : দুলীয়াজান অধিৱেশনে ৰাইজলৈ আশাৰ বতৰা কঢ়িয়াব: লুৰিণজ্যোতি গগৈ
