ৰঙাপৰা, 26 নৱেম্বৰ : শোণিতপুৰ জিলাৰ বিভিন্ন প্ৰান্তত কিছুদিন ধৰি সংঘটিত হৈ আহিছে মটৰ চাইকেল চুৰিৰ ঘটনা ৷ এনে সময়তে এখন মটৰ চাইকেলসহ দুজনকৈ চোৰক আৰক্ষীয়ে আটক কৰিবলৈ সক্ষম হয় ৷ চাৰিদুৱাৰ আৰক্ষী থানাৰ ভাৰপ্ৰাপ্ত বিষয়া আলিমুউদ্দিন আহমেদে এক গোপন সূত্ৰৰ পম খেদি ৰঙাপৰা-বালিপৰা সংযোগী পথত দুই চোৰক আটক কৰিবলৈ সক্ষম হয় ৷
আৰক্ষীৰ জালত পৰা দুই গভাইত চোৰ হ'ল ক্ৰমে মাজবাটৰ হৰেন বড়োৰ পুত্ৰ বিকি বড়ো আৰু ৰঙাপৰাৰ ৰামেশ্বৰ কুমাৰৰ পুত্ৰ সুজিত কুমাৰ ৷ নম্বৰবিহীন মটৰ চাইকেলখন যোৱা ৪ নৱেম্বৰত তেজপুৰৰ উষা নগৰৰ পৰা চুৰি হৈছিল ৷ ইফালে আৰক্ষীয়ে চোৰ কেইজনৰ সৈতে জড়িত থকা অন্য কেইজনক আটক কৰিবলৈ অভিযান অব্যাহত ৰাখিছে ৷
লগতে পঢ়ক : নুমলীগড় শোধনাগাৰৰ প্ৰৱেশদ্বাৰত প্ৰতিবাদ
