তেজপুৰ লোকসভা সমষ্টিৰ বাবে নতুন আৰক্ষী পৰ্যবেক্ষক নিয়োজিত

নিৰাপত্তাৰ দিশটোৰ প্ৰতি লক্ষ্য ৰাখি ভাৰতৰ নিৰ্বাচন আয়োগে নিযুক্তি দিছে নতুন আৰক্ষী পৰ্যবেক্ষক

তেজপুৰ, ১০ এপ্ৰিলঃ তেজপুৰ লোকসভা সমষ্টিৰ বাবে নিয়োজিত হৈছে নতুন আৰক্ষী পৰ্যবেক্ষক । তেজপুৰ লোকসভা সমষ্টিৰ নিৰাপত্তাৰ দিশটো পৰ্যবেক্ষণৰ বাবে ভাৰতৰ নিৰ্বাচন আয়োগে নিয়োগ কৰা আৰক্ষী পৰ্যবেক্ষক বিঃ মাল্লা ৰেদ্দিক স্থলাভিষিক্ত কৰি তেখেতৰ ঠাইত নতুনকৈ শংকৰ জিৱাল আই-পি-এচক নিযুক্তি দিছে আৰক্ষী পৰ্যবেক্ষক হিচাপে । নিৰ্বাচন সম্বন্ধীয় কিবা অভিযোগ থাকিলে জিলাখনৰ ৰাইজে যোগাযোগ কৰিব পাৰিব আৰক্ষী পৰ্যবেক্ষক গৰাকীক ।
তেখেতৰ যোগাযোগ নম্বৰঃ ৬০০২৬-৬৭৬৯৬ নাইবা ০৩৭১২-২২৩২০৯